Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२५९
अध्यायः २]
सूतसंहिता। दोषतामाह- स्पर्धयेति । उपकरणपारतच्यादपि तासां न मुख्यत्वमित्याहपरतत्रा इति ॥ ३६ ॥
सुखोत्तरा अपि श्रेष्ठा दुःखमिश्राश्च सर्वदा ॥ एताश्च मुक्तयोऽन्येषां केषांचिदधिकारिणाम् ॥ ३७॥ विश्रान्तिभूमयः साक्षान्मुक्तेः प्रोक्ताः क्रमेण वै ॥ __ अत्यन्तशुद्धचित्तानां नृणामेता विमुक्तयः ॥ ३८॥
अविशुद्धिमाह-सुखोत्तरा अपीति । कथं तर्खेता मुक्तित्वेन परिगणिता इत्याशङ्कय मन्दाधिकारिविषयत्वेनेत्याह-एताश्चेति । साक्षान्मुक्तेरर्वाचीना एताः क्रमेण तारतम्येनोपेता विश्रान्तिभूमित्वसाम्यान्मुक्तय इत्युपचरिता इत्यर्थः। आसां मुक्तित्वमुपचरितमित्यपि विवेकिन एव जानन्ति । अविवेकिनस्तु स्वर्गवद्भोगभूमीरेता एव मुक्तित्वेनाभिमन्यन्ते । कर्मिणो हि स्वर्गमपि मुक्तित्वेन व्यवहरन्ति । “अपाम सोमममृता अभूमागन्म ज्योतिरविदाम देवान्" इति । तदीयाभिमानस्य भ्रममूलत्वं मुण्डकादिषु श्रूयते"अविद्यायां बहुधा वर्तमाना वयं कृतार्था इत्यभिमन्यन्ति बालाः ।
यत्कर्मिणो न प्रवेदयन्ति रागात्तेनाऽऽतुराः क्षीणलोकाश्चयवन्ते" इत्यादि ॥ ३७ ॥ ३८ ॥
भवन्ति विष्णो भोगार्थ स्वर्गवत्ताश्च नश्वराः॥ एताश्च बहुधा भित्रा विद्धि पङ्कजलोचन ॥ ३९ ॥ काश्चिच्छंकरसारूप्यरूपाः प्रोक्ता विमुक्तयः॥ काश्चिन्मुकुन्दसारूप्यरूपाः काश्चिजनार्दन ॥ ४०॥ ब्रह्मसारूप्यरूपाश्च तथा काश्चिद्दिमुक्तयः॥ ब्रह्मविष्णुमहेशानामर्वाग्रूपसमाः स्मृताः॥४१॥ काश्चित्सदाशिवादीनां रूपेण सदृशा हरे॥ काश्चिदन्यसमा विष्णो मुक्तयः परिकीर्तिताः ॥४२॥ काश्चिच्छंकरसामीप्यरूपाः प्रोक्ता विमुक्तयः॥ विष्णुसामीप्यरूपाश्च काश्चिद्विष्णो विमुक्तयः॥४३॥
१ ख. 'कारवि' । २ इ. "तम्योपे ।
For Private And Personal Use Only
| SR No. | 020777 |
| Book Title | Ssut Samhita |
| Original Sutra Author | N/A |
| Author | Mahadev Chimnaji Aapte |
| Publisher | Anand Ashram |
| Publication Year | 1893 |
| Total Pages | 366 |
| Language | Sanskrit |
| Classification | Book_Devnagari |
| File Size | 17 MB |