Page Text
________________
Shri Mahavir Jain Aradhana Kendra
सुदंसणाचरियम्मि
॥ ३६ ॥
www.kobatirth.org
Acharya Shri Kailassagarsuri Gyanmandir
तह यलरतिंदिवस पि पढणनिरयस्स । नाऽऽगच्छइ किच्छेण वि इकं पि हु अक्खरं तस्स || २०१|| परिसंतो ओझाओ एवं अण्णो वि जाव पंचसया । तो सिट्ठी तस्स सुआ वि सोयभरनिब्भरा जाया ॥ २०२ ॥ अण्णदिणे तम्मि पुरे अइसयनाणी कमेण विहरंतो । नागदिवायरसूरी बहुपरिवारो समोसरिओ ॥ २०३ ॥ तण्णमणत्थं सिट्ठी घणंजओ पुत्तसंजुओ पत्तो । नमिउं गुरुं निसण्णो पत्थावे पुच्छए एवं ॥ २०४॥ भयवं ! मह पुत्तेणं इमेण किं दुक्कयं कथं पुत्रिं ? । नाऽऽगच्छइ जेणिक्कं पि अक्खरं कवि एयस्स ॥ २०५ ॥ तो गुरुणा वागरिओ पुवभवो तस्स सिट्ठिपुत्तस्स । जह तेणाऽऽयरियपए नाणं च विराहियं सुइरं ॥ २०६ ॥ तक्कम्मविवागेणं नाणं एयस्स भद्द ! न वि एइ । इय सोउ ऽणंगदत्तो जाईसरणं समुप्पण्णो ॥ २०७ ॥ भयसंभंतो सो पुण पणमित्ता विष्णवेइ गुरुमेवं । भयवं ! कहसु उवायं जेण तयं खिज्जए पावं ॥ २०८ ॥ भणइ गुरु वच्छ ! तए सबपयत्तेण नाणवंताणं । वंदणनमंसणाईवेयावच्चं विहेयवं ॥ २०९ ॥ तह दाणं दायबं जहारिहं फलयपुत्थयाईणं । नाणस्स पूयणं लेहणं च सत्तीइ काय ॥२१०॥ इय सोउं गिहिधम्मं गहिओ सो पिउजुओ नमिय सूरिं । संपत्तो नियगेहे विहरइ अण्णत्थ सूरी वि ॥ २१२१ ॥ गुरुवइङ्कं सवं सम्मं परिपालिडं कयाइ इमो । पवज्जं पडिवण्णो सिरिगुत्ताssयरियपयमूले || २१२|| तिघतवचरणरओ विसेसओ णाणवंतभत्तिपरो । नाणबहुमाणसारो नाणऽब्भासे कयपयत्तो ॥ २१३ ॥ नाणावर कम्मे कमेण पत्ते खओवसमभावे । सुबहुं पि सुहेण सुयं पढइ तहा मुणइ तस्सऽत्थं ॥ २१४ ॥ कमसो पयाणुसारीत्तणेण सुयजलहिपारगो जाओ। सो ऽणंगदत्तसाह सूरिपए ठाविओ गुरुणा ॥ २१५ ॥ पंचपमायविमुक्को पंचविहाऽऽयारपालणपहाणो । पंचविहे सज्झाए पवत्तयंतो भवियलोयं ॥ २१६ ॥ कइया वि खवगसेटिं आरूढो सुक्कज्झाणजलणेण ।
For Private and Personal Use Only
विजयकु
मारसरूव
प्परूवग
नामो अट्ठ
मुद्देसो ।
॥ ३६ ॥
| SR No. | 020764 |
| Book Title | Sudansana Chariyam |
| Original Sutra Author | N/A |
| Author | Umangvijay Gani |
| Publisher | Pushpchandra Kshemchandra Shah |
| Publication Year | 1932 |
| Total Pages | 296 |
| Language | Sanskrit |
| Classification | Book_Devnagari |
| File Size | 15 MB |