________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyarmandir
ताणं च दुण्णि पुत्ता परुप्परं ते उ ईसिमच्छरिणो । पढमो य विजयचंदो बीओ पुण चंदसेणु त्ति ॥१८५॥ अह अण्णया : Fकयाई जयचंदनरेसरस्स सामंतो। सीमालो पबलबलो विउच्छिओ से बलो नाम ॥१८६॥ वारितु निवं गंतुं तत्थ सयं
विजयचंदवरकुमरो। जुद्धम्मि संपलग्गे पराजिओ से बलेण इमो॥१८७॥ तो चंदसेणकुमरो विसेसकयमच्छरो सनिबंध पुच्छित्तु निवं पत्तो अइसंरंभेण तस्सुवरि ॥१८८॥ जुज्झित्ता सबबलेण तेण सो कहवि से बलो गहिओ। बंधित्ता आणेउं समप्पिओ तायपायाणं ॥१८९॥ तो जयचंदनिवेणं सक्कारित्ता विसजिओ एसो । जुवरायपए ठविओ अचंदसेणो पहिटेणं ॥१९०॥ तो विजयचंदकुमरो परिभूओ निग्गओ गिहाउ भुवं । भमडतो निक्खंतो कित्तिधराऽऽयरियपासम्मि ॥१९॥ कमसो समत्तसुत्तत्थपारगो नियपयम्मि सूरीहिं । ठविडं तहाऽणुसिट्ठो दाणे नाणस्स सो एवं ॥१९॥ सगयं नाणं नयणं इक्कं वीयं तु गुरुगयं भविणो । जो पुण तदुभयहीणो भवाऽवडे पडइ किं चुजं ? ॥१९३॥ ता सबबलेण तए तदुभयभूएण सबजीवाणं । अप्पपरतारएणं जइयचं नाणदाणम्मि ॥१९॥ ता गुणगुरुणो गुरुणो अणसणविहिणा मया गया सग्गं । सो नवसूरी सम्म कइवि दिणे सारए गच्छं ॥१९॥ अण्णदिणे पडिभग्गो सो सुत्तत्थप्पयाणविसयम्मि । पुच्छिजंतो वि अणेगसो वि न पयं पि साहेइ ॥१९६॥ अणुसिट्ठो थेरेहिं अणेगवंद्रुत्तराई तो कुणइ । भणइ य मासतुसाई नाणेण विणा न किं सिद्धा?॥१९७॥ एवं नाणाऽऽयारं विराहिऊण कमेण कालगओ। सो विजयचंदसूरी सोहम्मे सुरवरो जाओ ॥१९८॥ तो चविय पउमसंडे नयरम्मि धणंजयस्स सिद्विस्स। भजाइ सिवाइ सुओ अणंगदत्तो त्ति सो जाओ॥१९९॥ समयम्मि कलाऽऽयरियस्स अप्पिओ सो महाविभूईए । पिउणा सो वि तयं पुण सिक्खबइ सयं पयत्तेण ॥२००॥ सवायरेण
For Private and Personal Use Only
