________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नामेण उसहणाहो एरिसलिंगो मह सरिच्छो ॥ १३१|| ते सधे सामण्णं पालित्ता चउदसपुबलक्खाओ । सबट्ठे छप्पि जणा देवा होउं चुया तत्तो ॥ १३२॥ सो ललियंगयजीवो संजाओ उसहणाहतित्थयरो । इयरे भरहो वंभी बाहुबली सुंदरी कमसो ॥१३३॥ निण्णामियाजिओ पुण सेयंसो नाम सो अहं जाओ । अज्ज पहुदंसणाओ जाईसरणं महं | जायं ॥ १३४ ॥ पुचभव सुयबलेणं तओ मए अवगयं इमं सवं । ता भो ! तुब्भे वि जणा दिज्जह दाणं अओ एवं ॥ १३५ ॥ तो ते भांति लोया निवपमुहा सुट्ट बोहिया अम्हे । सेयंसकुमार ! तर अण्णाणंधा पसुगणव ॥ १३६ ॥ पुणरवि भणति रायप्पमुहा तिन्हं पि तेसि सुमिणाणं । संपइ सयमवि बुद्धो परमत्थो पायडो जम्हा ॥ १३७॥ पहुपायपउमठाणं एवं मा कोइ अक्कमउ तहियं । सेयंसकुमारेणं निम्मविअं रयणमयपेढं ॥ १३८ ॥ भोयणकाले निच्चं अच्चेइ तयं जणो भणइ एवं । किमियं ति आइकरमंडलं ति सो आह सेयंसो ॥ १३९ ॥ लोगो वि तओ नियनियगिहेसु पहुपायपउमठाणम्मि । कारइ तं च कमेणं भण्णइ आइचमंडलयं ॥ १४०॥ सेयंसकुमारेण अह पहुणो केवलम्मि उप्पण्णे । देसविरई पवण्णा पढमं पहुपायमूलम्मि ॥ १४१ ॥ तं सम्मं पालित्ता कयाइ पडिवज्जिऊण पबज्जं । पंचपमायविमुक्का चिरकालं पालिऊण तयं ॥ १४२ ॥ मइसुयणाणगुणडो सुहलेसो खवगसेढिमारुहिउं । घणघाइकम्ममुको उप्पाडइ केवलं गाणं ॥ १४३ ॥ केवलपरियाएणं विहरंतो बोहिऊण भवजिए । निस्सेसकम्मरहिओ सेयंसमुणी गओ सिद्धिं ॥ १४४ ॥
जओ-मइसुयणाणे अप्परिवडिए जीवाण नूण सवेसिं । वरकेवलाइलाभो हुज्जा सत्तट्ठभवमज्झे ॥ १४५ ॥ एवं सुयणा| णेणं जाईसरणेण पुत्रभविएणं । सिरिसेयंसकुमारो सपरेसिं पि बोहओ जाओ ॥ १४६ ॥
For Private and Personal Use Only
