________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
॥ सर्वार्थसिद्धिवचनिका पंडित जयचंदजीकृता ॥ चतुर्थ अध्याय ॥ पान ३६५ ॥
नाही हैं । दशभेदनिके आठही भेद हैं । आगें, तिन निकायनिवि इन्द्र कैसे हैं तिनिका नियमके अर्थ सूत्र कहें हैं
॥ पूर्वयोद्दीन्द्राः ॥ ६ ॥
याका अर्थ - पहले दोय निकाय भवनवासी व्यंतर इनविषै दोय दोय इन्द्र हैं । पूर्वयोः कहिये पहले दोय निकाय भवनवासी व्यंतर तिनविषै दोयदोय इन्द्र हैं । इहां प्रश्न, जो, दूसरेकै पूर्वपणा कैसें? ताका उत्तर- जो, समीपतें पूर्वपणां उपचारतें कहा है । बहुरि दीन्द्राः ऐसे शब्द में दोयदोय ऐसा अर्थ कैसा भया ? ताका उत्तर- जो, इहां अंतनत वीप्सा अर्थ है । तातें दोयदोय इन्द्र होय ताकूं दीन्द्रा ऐसा कहिये । जैसैं सातसात पान होंय ताकूं सप्तपर्ण कहिये तथा आठआठ पद होय ताकूं अष्टापद कहिये तैसें इहांभी जाननां । सोही कहिये हैं ||
भवनवासीनिविषै असुरकुमारनिके चमर वैरोचन ए दोय इन्द्र हैं । नागकुमारनिकें धरण भूतानंद ए दोय इन्द्र हैं । विद्युत्कुमारनिकें हरिसिंह हरिकान्त ये दोय इन्द्र हैं । सुपर्ण कुमारनिके वेणुदेव वेणुताली ए दोय इन्द्र हैं । अभिकुमारनिकें अभिशिख अग्निमाणव ए दोय इन्द्र हैं । वातकुमारनिकें वैलंब प्रभंजन ए दोय इन्द्र हैं । स्तनितकुमारनिकै सुघोष महाघोष ए दोय इन्द्र हैं । उदधिकुमारनिकै
For Private and Personal Use Only
