________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रयणवाल कहा
अंकम्मि काऊण उत्ताणसयं सेट्ठी णाणाविहं कीड्डं कुणेइ । जहा तहा जंपतो तं रमावेइ। विम्हुट्ठावर-गिहकज्जो तं खंधमारोविऊण जत्थ तत्थ भमाडेइ । धाईणं ववत्था वि जहोचिआ कया । गिरि-कंदर-लीणो चपंगपायवो विव मम्मण-गिहम्मि सुहं सुहेणं परिवड्ढए सो। हंत ! विचित्ताणि विहणो विलसिआणि।
इओ य परहत्थगयं पोअं काऊण गहिअ-रसा उच्छुलट्ठी विव, णिवडिअ-पत्त-पुप्फ-फला रुक्खावली विव, चेयणासुण्णा तणू विव भाणुमई होहिअ । अव्वो ! पच्चसम्मि वि सव्वओ गाढंधयारो पत्थरिओ । वाहिवज्जिए वि ताए सरीरम्मि काइ असहणिज्जा अउलवेअणा उप्पडिआ। गहिलचित्ता इव चितेइ सा-"किं जागरूआ वि अहं पच्चक्खं सुमिणं पेच्छेमि ? किं पायडजोगपावल्लावि अहं मया ? अम्मो ! कि मए एआरिसं महामोल्लं वत्थु हारिअं, जिणा -विणा सव्वं विज्जमाणमवि तहाविहं अविज्जमाणमिव पडिहाइ । हंदि ! केण पम्हुसिअं" मे हिअय-सयलं, जेण विणा सयलमवि पम्हसिग्रं जायं । हरे माउउच्छंग-वंचिओ सो वराओ सिलिंबो कि कुणमाणो हवेज्जा ? हंत ! यविहिणा थणंधयो बालो कीस माऊआ-विरहिओ कओ ? केरिसी परिवालणा तस्स हविस्सइ परगिहठिअस्स मंदभग्गस्स ?" एवं णाणाविकप्पजाल-परिअरिआ माया कयाइ मुच्छइ, गिलायइ, मिलायइ, अणवरय-पवहमाण-बाहजलेण भूअलं पल्ललीकरेई य। विक्खित्त-चित्ता पुण इओ तओ परिभमइ, खणमेत्तमवि ण कत्थइ सुहलवमणुहवइ । सेट्ठिणो वि तारिसी ठिई संवुत्ता, परं को सुणेइ विहि-दाव-दड्ढाणं पुक्कारं ?
For Private And Personal Use Only
