________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रयणवाल कहा जया सो तत्थ धणमज्जेऊण णिग्रं पुरं पडिवलिओ संतो सवुड्ढिनं गहिरं धणं पच्चप्पिऊण' णि पेइअं२ गिह गंतुमरिहो भविस्सइ" एआरिसो उभयसंमओ लेहो पंचणयरप्पमुहाणं हत्थक्खरेहि सच्चविओं गहिओ जिणदत्तेण मम्मणेण य । तन्विणिमयेण पत्तं जिणदत्तेण दीनारसहस्सं ।
इओ य चिरं पडिवालेइ पइ-प्पवेसं अत्यचितासंतत्ता भाणुमई । कहं णाई समागया अज्जउत्ता दविणं गहेऊण ? किं फुण्णा दारिद्दण अम्हकए सव्वावि वसुंधरा ? कि सव्वेहिं विसंभरिआ कयण्णुआ ? समेहि सहयरेहि अवि पामुक्का अच्छि-लज्जावि ? .. तक्खणं मिलाण-वयणारविदा सणि सणियं भवणं पविसमाणा पइदेवा दिट्ठीपहमोइण्णा मग्गं पेच्छंतीए ताए । झत्ति संमुहमागच्छंतीए णाए कि भूति अदिहिमंताए" पुच्छिन् ।
विहिअ-अकरणिज्ज-कज्जेण बाहिज्जमाणो सेट्टी तुहिक्को १ जाओ । मह विहिरं किच्चं माइहिअया भज्जा अणुजाणहिइ ण व 'त्ति संकाउलो जाओ। एत्थंतरम्मि पइणा जहाकयं कज्जं पियाए पुरओ जहातहं पाउक्कयं, पच्चप्पिनं पुण दीणार-सहस्सं । अवसरण्णू विणयसहावा भाणुमई 'अज्जउत्ता पमाणं'ति वयमाणा मोणावलंबिणी जाया।
इअ सिरिचंदणमुणि-विरइआए-पुत्त-पत्थण-जक्खदंसणइड्ढिक्खयाइ-भावसंजुत्ताए रयणवालकहाए
पढमो ऊसासो समत्तो ॥१॥
For Private And Personal Use Only
