________________
Shri Mahavir Jain Aradhana Kendra
www.kobatirth.org
१ सहक्षः ।
Acharya Shri Kailassagarsuri Gyanmandir
कव्वकारगस्स पसत्थी
सोऊण चरिअमेअं, जगवेचित्ती विआणिआ होज्जा । चावल्लं लच्छीए सत्यपरो बन्धु-पेम्मो य ॥१॥ तओ धम्मज्जम्मि अ भव्वाणं भावणा थिरा हवइ । धम्माओ सव्वाणं सुक्खाणं सोहणा पत्ती ॥२॥ किं बहुना धम्मो चिअ भव्वेहिं सव्वया सयं सेवो । अज्झत्थसुहणिआणं, तेलुक्के सारभूओ जो ॥३॥ तेरापहस्स पढमो आयरिओ भिक्खणामगो जाओ । धीरो जल हिगहीरो अक्खलिआयारसंजुत्तो ॥४॥ पिहं पहो मोक्खस्स य संसारस्स य तहा पुहं मग्गो । एगीहवंति ण कया इअ वागरणं कथं जेण ||५|| पावकारणं राओ मूलं धम्माणमत्थि जीवदया । कहं णु मीसीभावं लहंति ते, साहिअं जेण ||६|| णाणाविहाण पुणरवि दारुणकट्ठाणि जेण सहिआणि । तहविण सम्मं मग्गो परिचत्तो जेण दढदिहिणा ||७|| भारमलो से सीसो गणवो जाओ बिइज्जओ धीरो । रिसिराओ तइओ पुण भूओ चोत्थो जयायरिओ || ८ || जाओ पंचमपट्टे मघवर्गाणिदो महाविमलहिअओ । छट्टो माणकलालो, डालमचंदो उ सत्तमिओ || ६ || सिद्धिपयासीणो पुण, महाकिवालू अ कालुगणणा हो । जस्स सासणे वुड्ढि - अउलं पत्तो गणो एसो ॥ १० ॥ मंदो मह सारिच्छो' जस्साणुग्गहसुहा - सुसंसित्तो । पत्तो सक्खरअं हो ! गुरुमाहप्पो अवत्तव्त्रो ||११||
For Private And Personal Use Only
