________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२४२
रयणवाल कहां सलज्ज रयणवई सासू-ससुराण चलणेसु पणमिआ । मउलिअ-पाणिपल्लवा वोत्तु पउत्ता-"अहं म्हि किर तत्थभवयारणं सुण्हा । तुम्ह पियपुत्तस्स सहम्मिणी रयणवई णाम । विज्जावलेण राउलरूवम्मि गुत्ता पइणा सह समागया । तो तुम्हकेरा हं पुत्तबहू णण्णा' ।” एवं कहिअ अत्ताए चरणकमलम्मि सहरिसं णिवडिआ । इअ जाणिऊण भाणुमईए जिणदत्तस्स य अच्छरिज्जेण सह उक्कडो आणंदो जाओ।
बहआए मत्थयं करेण छीवंती अत्ता साहेउं पउत्ता"अहो ! एसा णिवधूआ पुत्तबहूडी रयणवई ! ण लक्खिआ अम्हेहि मणसा वि राउलरूव-गोवाइआ । अबला भुच्चावि दंसिअं णाए असाहारणं पउरिसं । अब्भुआ इमिआए समयसूअयआ। अणेगहुत्तं अम्हेहिं चिंतिअं जमेसो असंथुओ अपत्त-सयण-संबंधो वि कहं अम्हे अईव सुस्सूसइ. परिअरइ, अणण्णभत्तिभावेण पुण संरक्खेइ 'त्ति । पुत्तबहु ! तुह मईए धिईए केवइअं पसंसणं कुरणेमो जमम्हाणं आणयणे अणेगाई कट्ठाई सहिआई, विवइ-णिण्णगाओ य तीरिआओ । एआरिसिं सेवाहिमुहि सुण्हं पप्प धण्णा जाया अम्हे' एवं भण. माणीए ताए रयणवई पिट्ठभायम्मि ससिणेहमाहया, मत्थयमि ओसिंघिआ, पुत्त-पोत्तवई होहित्ति सुहाए आसीसाए य वड्ढाविआ । जया परिअणम्मि एसा पउत्ती वित्थारं गया तया सच्चोज्ज सब्वेवि ते आगया सुण्हं द? सुच्छाहं । रयणाणुरूवं रयणवई पेक्खिअ सव्वेवि आणंदिआ जाया । सेट्ठिणोऽईव सोहग्गं पसंसंता सयणा णिग्रं-णिअं गिहं
१ नान्या २ पुत्रवधूटी ३ समयसूचकता ४ साश्चर्यम् ।
For Private And Personal Use Only
