________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रयणवाल कहा एसो ववहारो ? किं कोइ साइज्जइ१ तारिसं किच्चं धीधणो जणो। मह पिउपाया वि अईव चितिआ संजाया किंतु कस्सइ महप्पणो पसाएण एवं कज्जं संपण्णं । राउलरूवम्मि अहमेत्थ समागया। जणणीजणय-गवेसणटुंगया। पइग्गामणयरं भमंतीए मए किं किं णाणुहूयं । सव्वं मए णि अकत्तव्वं मुणि अ कयं । अज्जाहं मूलरूवेण कयकज्जा अज्जउत्ताण सम्मुहं उवट्ठिआ" एवं भणमाणी सा चंदमंडलं चकोरोव पिअ-मुहं पेक्खंती आणंद-मग्गा जाया ।
सच्चं भणसि तुमं सुहासिणि ! खलिअं मए पेअसि छड्ढमाणेण तत्थ । अपरिपक्क-बुद्धीए ण किं हवंति ईइसा हु परिणामा, किंतु तुह अणुहविणो जणगस्स अणुग्गहेण सव्वं समुइअं चउरंसं च जायं । इयाणि तत्थ गमणं ण सुसगमत्थि । जणणी-जणयाण गवेसण? तु तए जो साहसो कओ सो अबला-बलाइरित्तो । तत्थ जेदहा धण्णवाया दिझंति तेदहा थेवा । पिअरा अवि फुडमुहेहिं पसंसंति राउलस्स सेवाभावं । एव मुल्लवंता जंपइणो जुम्मयाए पिइचरणाणं दंसणचलिआ । जत्थ जणणीजणआ विरायमाणा आसी, तत्थ एए पसण्णवयणारविंदा समागया । रईए सह पज्जुण्णमिव तीए सद्धि रयणं विलोइअ पिअरा अच्छेरगं पत्ता, झत्ति पुच्छिउं लग्गा-"का इमिआ दिव्वरूवधारिआ रमणी तुह सद्धि अतक्किआ समोइण्णा ? कि काइ आराहिआ देवया पयडं माणुसि तणुमस्सिआ ? को संबंधो इमिआए अम्हकेरो ?" एवं तक्कणा-परेसु तेसु
१ साइज्जइ-अनुजानाति इत्यर्थः ।
For Private And Personal Use Only
