________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२३८
रयणवाल कहो बिबोट्ठी ? कुओ पयडीभूआ सुअणु ! किमच्छं पयोअरणं ममाहि' मयच्छि ?' ससंभमं पुटु रयणेण ।।
ईसिहसिएण उज्जलदंतपंति दंसेमाणी पइदेवस्स चलणेसुणिवडिआ। किं पाणिग्गहिई वि ण उवलक्खिज्जइ अज्जउत्तेण ? अहमेव राउलरूवम्मि लुक्किआ रयणवई पइदेवेण सहसमागया। किं णम्हि हं दिटुपुत्वा ? तक्किसं तीए। - तमसि रयणवई राउलरूव-पडिच्छण्णा ? हो! ण तक्किआ, ण लक्खिआ, ण चितिआ य मए णाममेत्तमवि । खणं रयणवालोवि विम्हय-भरिओ जाओ। अहह ! केरिसी कला कलिआ तुह जणएण ? कहमलक्खिआ तुमं पट्टविआ मए सद्धि । णूणं तओ चिअ धुत्ताणं आहेवच्चं करेइ सो महाणुहावो। पइदेवस्स चरणकमलं छिवंती सविब्भमं सा विहुमुही हरिसभरुभिण्ण-रोमंचेण रयणवालेण कोडीकया, अहरामयं पिबंतेण समासणम्मि य णिवेसिआ। वायाणमगोअरं अतुल्लं पइमेलणसुहं अणुहवंती रयणवई सोवालम्भं किमवि वोत्तुमाढत्ता-"दयिअवर ! कहमेगागिणी अबला णिराहारा पेइहरम्मि चत्ता ? किं ण याणह तुम्हे पउत्थपइआए रणवोढाए ठिई। अजाय-संबंधबंधा इव ण तस्थ तुन्भेहिं कयाइ संलाविआ, ण पेम्ममइअ-वयणेहि पोसिआ, ण उण जहत्थ-ठिईए बोहिआ, हरे ! रणीरसीहूअ हिअयेण एमेव उज्झिआ । किं उइओ आसी अज्जउत्तारणं
१ मत्सकाशात् २ पाणिगृहीती भार्या ३ आधिपत्यम् ४ स्पृशन्ती ५ विधुमुखी ६ पितृगृहे।
For Private And Personal Use Only
