________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पढमो ऊसासो
इओ किर अईए काले अत्थि पाइअ-सुदेर-सोहिअं बहुविहुज्जाण-पव्वय-परिमंडिअं पुरिमतालपुरं नाम णयरं । तत्थ रज्ज-धम्म-गीइ-सुणिउणो तक्कर-पारदारिअ-पस्स
ओहराईसु कूरो वि परमसोमो भुअबल-परिकंपिअ-सत्तु - णिवहो अणलसो सूरसेणो णाम णिवई । अणेगे इब्भा सेट्ठिणो गाहावइणो अपरिहूअ-विहवा अमाण-मच्छरिणो तत्थ परिवसंति । तेसि मिअव्वयाण पि धणं सुसंप्पओगम्मि गईसोत्त पिव पवहइ । मायरं पिव पेच्छइ पर-जुवइजणं तेसिं लज्जालुइणी दिट्ठी। मणयमवि गरहिअं काऊण झत्ति पायच्छित्तं पडिवज्जिउकामा तेसि तत्त-परिपूआ मई ।
१ प्राकृत सौन्दर्य-शोभितम् २ मितव्ययानामपि ३ गौणादयः' इतिसूत्रेण साधु, लज्जालुरित्यर्थः
For Private And Personal Use Only
