________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२१६
रयणवाल कहा भिसमदिहिं वहमाणो सेट्ठी तक्खणं तत्तो चलिओ जायाए सद्धि । णाणा-संकप्प-विगप्पपरो धावेतो गिहम्मि पविट्रो । दढमउलीकयदाराए' ताए अतइ-वेज्जं राउल-साहिग्रं जहातहं सूइयं । पइदेव ! कह णिव-मग्गिरं चंदणं विज्जमाणं पि अप्पणोप्पणिज्ज कह ण अप्पिअं ? अइलोहो सब्वत्थ वज्जणिज्जो 'त्ति सच्चुत्ती ।
णिसम्म घरणी-मुहेण राउल-पिसुणिअं अच्चत्थमुत्तत्थो जाओ लुद्धो । गोसग्गम्मि' जइ णिव-संतिआ दंडवासिआ पुरिसा आगम्म गिहगवेसणं काहिति, अचुच्छं चंदणभंडायारं च पेक्खिहिंति, तया मे का दुद्दसा होहिइ ? हद्धी! अच्चंतगिद्धीए सव्वं विद्धंसिघ्रं ! हा हा ! मुहा वंचिओ मए भद्दो वराओ जिणदत्तो ! मुहा गहिनं मुहा गमिस्सइ मम सव्वस्सेण समं सव्वं संगहि चंदणं । अव्वो ! अप्पो समओ, किं करणिज्जं मए अहुणा ? अंते दंपइणो भयभीआ णिअ-करेहि सव्वं महामोल्लं मलयजं रत्तीए गिहस्स पिट्ठओ एगंतठाणम्मि गरहिअ-वत्थुव्व परिदृविनं। ण एगमवि खंडं चंडभय-खंडिअ-माणसेण रक्खिों णिअगेहम्मि । पुव्वं तं विक्किऊण जमज्जिआ धणमुद्दा सावि भय-हित्थेण तत्थेव छड्डिआ तेण। चंदणसंगहठाणं गब्भगिहं पि गोव्वरेण लित्तं जहा तत्थ ण सिरिखंड-सोरह महमहइ सुएहं पि । पुणो पच्छिमरयणीए णिगडिअ गिहदुवारो सदारो णिप्फिडिओ णयरत्तोवि उविग्गो धणदत्तो। हा !
१ दृढमुकुलीकृतद्वारया २ अतृतीयवेद्यम् ३ अप्पणो-स्वयम् । अर्पणीयम् ४ गोसर्ग-प्रभाते (दे०)।
For Private And Personal Use Only
