________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२१४
रयणवाल कहा किमणुचिट्ठिअव्वं 'ति वीमंसणिज्जं किंचि । इत्थं कहिऊण राउलो तओ पलाणो।
एमेव राउलेण बीहविआ' सा हित्था किंकायब्वमूढा गुम्मिअ-माणसा अचुच्छमायल्लं वेइउं पउत्ता-"हा ! किमिणं जायं ? कुविओ णरणाहो किमभद्द काहिइ ? हरे ! पउरा हरिअंदणरासी विज्जए अम्ह गिहम्मि । कहं ण दिण्णं णिवट्ठ गवेसियपि महालुद्ध ण मह पइणा ! संपइ कि होहिइ ?" खणमवि घरम्मि ठाउमसक्का तक्खणं धावेमाणी विसंठुलवत्थाभरणा एगागिणी पइसमीवं आवणम्मि आगआ । अयंडमागयं विवण्णमुहिं भज्ज विलोइअ धुत्तो खेअ-विम्हयमीसालिअं चितेउमाढत्तो-"कहमणक्कमि-देहलिदेसा एसा पण्णविहीए एककला समोइण्णा ? गुणं किमवि अरिटु दीसइ अण्णहा कहमेवं भवइ ?" एवं तक्कतेण दइएण ससंभमं पुट-"दइने ! कहमप्पणो इह आगया ? अत्थि अणेगे किंकरा भिच्चा तुह पुरओ, कहं ण ते पट्टविआ अज्ज मे समीवं ? कह हिमाणी-हयं मुणालपत्तं पिव पडिभासइ ते मुह-पोम्मं ? का अमंगला मंगुला पउत्ती ते कण्णातिहीभूआ ?" ____दीहरणीसासं मुचंतीए ताए तुडिअ-सरं अइसणिग्रं पई एगओ किच्चा कहिनं-"सिग्धं गिहं वच्चंतु अज्जउत्ता, नच्चइ काइ विवइघणाघणघडा अम्ह सिरंमि। अत्थि परेहिमलक्खणिज्जं किमवि गुज्झं ण एत्थ पयडिउं सक्कं ।
१ भीषिता २ अनतिक्रान्तदेहलिदेशा ३ पण्यवोथ्याम्- 'बाजार' (इतिभाषा) ४ मंगुला (दे०) अनिष्टा इत्यर्थः ।
For Private And Personal Use Only
