________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रयणवाल कहीं
राउलो । मणोरह-घणसंचिआ परिवढिआ पंफुल्लिआ आसावल्ली । सोच्चिअ सोमो जिणदत्तो ससुरो, सा च अत्ता मे भद्द-सहावा भाणुमई । धण्णा अज्जाऽहं तेसिं चिरदुल्लहं दसणं करिस्सं । पिअ-पुत्तस्स अलध्दपुव्व.सुह-समायारेण तेसि माणसं तोसइस्सं' । अहा ! केरिसो होहिइ सो आणंदमइयो समयो ? एवं विकप्पंतो आगओ पुर-परिसरम्मि राउलो । दिट्ठि-पहमावडिअं तमुडजं । कट्ठ-भारं णेउ गओ वणम्मि जिणदत्तो । कज्ज-लग्गहत्था उडजमज्झम्मि ठिआ भाणुमई । तखणं तत्थ समोइण्णो पसण्णमणो वीणाहत्थो सो । उडजस्साहिमुहं दिट्ठा जेण समअला गोमय-लिपिआ पवित्ता वेइआ। परिओ पाइयं पसण्णं वायावरणं । तत्थ वेइआए वीणा-वायण-तप्परो णिमीलिअच्छी अयाणंतो विव अच्छिओ राउलो । सुणिऊण सवणामयं महुरसरं वीणं को एत्थ गायइ 'त्ति तक्कणपरा भूआ भाणुमई । ईसिं गीवं लंबायमाणीए बाहिं पेक्खिअंताए। भत्ति-रस-णिब्भरं गायतो वीणाए समं दिट्ठो ताए एगो बालजोई। अहो ! धण्णं अम्हकेरं दिव्वं दिअहं अज्जतणं, जं अणाहूओ अचिंतिओ एसो बालमुणी अमुणिों दंसणं दाउ कय-पयप्पणो । णूणं अज्ज किमवि महाभव्वं संभाविज्जइ । पुण्णाणं तुच्छाणं च उरि जेसिं समा मई तेसिं मणम्मि कत्थ गंतव्वं, कत्थ ण गंतव्वं, कत्थ चिट्ठिअव्वं, कत्थ ण चिट्ठिअव्वं, ण एआरिसा विगप्पा संभवंति, ता उवणिमंतेमि माहुअरिअट्ठ बालमुणिमिमं । इअ विचिंतिअ किमवि भोअणारिहं दव्वं सप्पेमं
१ तोषयिष्यामि ।
For Private And Personal Use Only
