________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१२६
रयणवाल कहा
साहणं एआरिसो भिक्खा ? णवरं तणं भुजेतो वि बक्करो कामेण पगामं पराहूओ हवए तया सरसं भुजेतो जोई कद बंभचेरवसंवओ। मिच्छा कहणमिणं जं रस-लोलुहो त्रि जोइ'त्ति ? किं पओअणं अम्हाकं णाणा-रस-वंजण-जुएण भोअणेण ? अम्हेहिं तु सुक्खं रुक्खं भोअव्वं, विजणे वणे चिट्ठिअव्वं, तुह-जत्ता च कायव्वा । णूणं ण हवइ कयाइ तवस्साविहूणा सभला साहणा" एवं कहिअ तत्थेव पायसाइअं छड्डिअ पच्छावलिओ सो। तं सुणिअ अहं तु उत्तंभिओ, विम्हिओ, तग्गुण-रंजिओ य जाओ । अव्वो ? केरिसं वेरग्गं, अब्भुआ णिप्पिवासिआ, विचित्ता य विरत्तो ! णीसंकं मए तत्थेव दव्वं अप्पिअव्वं । अलाहि विकप्पेण । तक्कालं तं अणुसरंतो पुरस्स बहिआ मढम्मि महतस्स दंसणं कयं । विरत्ति-विगसिओ वत्तालाओ जाओ। मए वि णास-सुरक्खट्ट विणत्तो सो । अम्हाकं किं पओयणं ति बहु-णिसिद्ध तेण । अंते अइ अग्गहेण तेण सीकयं मह पत्थरणं । एत्थ ण किमवि भयंति णोचिंतो समुद्दम्मि अग्गओ चलिओ।
पिट्ठओ महादव्व-लोलुहेण महतेण सव्वे वि सीसा पुहत्तं पाविआ । मढ-पओलीए मुहमवि परावत्तिअं । सव्वेवि रुक्खा छेइआ। णिआ एगा अच्छी वि फोडिआ। सव्वावि लीला अण्णारिसी चिअ कया।
किंचि कालाणंतरं जयाह पच्छा सुरक्खियं णासं गहेउकामो तत्थ समागओ, तया ण किमवि उवलक्खिरं पत्तं, ण महंतेण वत्तावि विहिआ। “विम्हट्टोसि तुमं, ण एत्थ सुमिणेवि एआरिसी घडणा घडिआ।"
For Private And Personal Use Only
