________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
१०४
रयणवाल कहा
पहाण-कालिअं पारिओसिनं जं किंचिवि सेटि-सगासाओ पाविस्सं, तस्स लाहं गहिस्सं सयमेवाह, ण पच्छा करिस्सं तं से ट्ठिणो पुण । इअ आयण्णिअ कयज्ज -सेहरो मम्मणो किमप्पेमि'त्ति संसयं पत्तो । अंतम्मि अईव तुच्छत्तणं दक्खवेंतेण दढमुट्टिणा अप्पिया 'मेमुदी' णामिआ एगा तक्कालिआ खुद्दा मुद्दा पारिओसिअ-रूवेण । सर्वसिं पासगाणं मणेसु अईव हीणत्तं पत्तो सो किविणो इमिणा अइतुच्छदाणेण । धिअ ! दढ मुट्ठिणो णिग्घिणं हिअयं णिल्लज्ज दाणं, चिरपोसिअण पुत्तेणावि केरिसो ववहारो ? तहवि समयपणणा रयण साणंदं गहिआ सा, मत्थयत्थं काऊण सुरक्खिग्रं रक्खिआ । भवंताणं किवाओ बहुलाह-कारणं भव्विस्सइ मे गुणं दाणमिणं लघि8 लक्खिज्जमाणमवि । अहवा सहमवि णग्गोह-बीअं ण किं महावित्थार-कारगं होइ ?
इअ सिरिचंदणमुणि-विरइआए पाउसागमामरचंदणपत्तीधणदत्त-विप्पतारण-पुत्तपरिवड्ढण-रिणअपरिणाणाइभावेहिं भाविआए रयणवालकहाए
तइओ ऊसासो समत्तो
१ पारितोषिकम्-इनाम 'सीख' इतिभाषा २ कदर्यशेखर:- कृपणप्रमुखः ।
For Private And Personal Use Only
