________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
रयणवाल कहा णंदणो जो वंसुद्धार-कारगो अम्मापिऊणं सुहजणओ पुव्वजाणं च विच्छोलिअ णामधेयो धिप्पइ। उ, ण खेएण किमवि भविस्सइ, भविस्सइ किर महंतेण पुरिसत्थेण सव्वं । अत्थि मे कप्पणा, तुमं अवस्सं सुण्णं गिहं हरिअ-भरिअं काहिसि, इअ साहेऊण सहिअयो वुड्ढो वीसत्थ-दिट्ठीए पुत्तं रयणं पलोएउंलग्गो।
असुअ-पुव्वं कण्णकंटगाइअं णिअमईअमुग्रंतं मुणिऊण रयणवालो चित्तलिहिअव्व मंतकोलिअव्व थद्धो, उव्विग्गो, विम्हिओ, रोमंचिओ य जाओ। हरे ! इत्तोप्पं ण विइआ मए अप्पणआ पउत्ती। हंदि ! (सत्यं !) पिसुणि तेण अहमण्णेण । वेवे ! (विषादे !) अहं कीअदासोम्हि । अव्वो ! (पश्चात्तापे !) दलइ मे हिअयं अम्मा-पिऊणं तारिसी ठिई । थू ! णिलज्जेण मे जीवणेण, जस्स जम्मो वि सव्व-विद्ध सकारगो ! खु ! किं मए एआरिसं कलुसमायरिअं ! ऊ ! केण ण विण्णायं मे कुलंगारचरिअं ! अम्मो ! कहमेआरिसं जायं ! अइ ! दुहिआ विज्जति मे परम-सिलाहणिज्जा पुज्जा पिअरा । अहह ! जइ हंगब्भाओ पडतो, ता पिअराण ण तारिसी ठिई हुंती । णवरिष कि कायव्वं मए ? अलाहि मोरउल्ला बहु-चितणेण इण्हि । अप्पणो सव्वं सुहं भावि पुरिसत्थेण, इच्चाइ-बहुविगप्पविलोडिअ-हिअय-सागरो थेरं पणमिऊण एक्कसरिनं तओ पचलिओ। कत्थइ रइमलभमाणो गिहमागओ । एगम्मि
१ धौतनामधेय:-यथा विच्छोलियं धोओ (पाइयलच्छी ६२१) २ दीव्यते
For Private And Personal Use Only
