________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
८६
रयणवाल कहा परं इत्तोप्पं' विविह-गिह-कज्ज-कुसलेणावि ण णायं 'कोह' इअ रहस्सं णेण । मम्मणेणावि वीसु एआरिसमणुऊलं वायावरणं जणि जेण मणयमवि ण अस्स कयावि अयम्मि विसयम्मि माणसं संदिद्धं हवइ । मम्मणो चिअ मे पिया, मम्मणभज्जा चिअ मह जम्मदायिगा जगणि'त्ति जाणाइ सो, ण दिट्रो कोइ कयाइ विवज्जासो । परं, परं णिगृहिअमवि तुसरासिम्मि छण्णं फुलिंगव्व रहस्सं जया कया बाहिरमागच्छइ। जमस्थि मत्थि चिय, तस्स गत्थित्तं कहं हवइ'त्ति णिच्छिअं तत्तं ।
गओ एगया रयणवालो अहमण्णस्स गिहम्मि वुढिं गयं धणं पूण आणेउ। रण पच्चप्पिउं खमो सो ठिइ-वसंवओ। बालत्तणओ' अविण्णाय-परत्थ-पारतंतो कय कयग्गहो तत्थेव ठिओ। णाहमज्ज अगहिअ-सवुड्ढिरित्थो रित्तहत्थो पच्चावलिस्सं । अणेगहुत्तं समागओहमिह धणमाणेउ, परंतु तुमं णिरंतरं किमवि किमवि मिसमायाय मं परावत्तेसि । हद्धी ! केरिसी जणाण णोई जाया ? जया गहणिज्जं धणं तयाणि तु महुरमहुर-वयणेहिं वयंति । 'तुम्हे किर अम्ह संरक्खया पालया जीवण-दाण-दायग'त्ति लालप्पमाणा अबीअं सोअण्णं पयडयंति । संपण्णे कज्जे, करायत्ते अत्थे यण कोइ संबंधो'त्ति दूरओ णीसरंति । दायगेण वाहित्ता" रत्तयणणा जं किमवि पच्चुत्तरंता उत्तेजिआ हवंति । हत ! आगओ केरिसो विचित्तो दूसमो! जणेहि गहिनं दायब्वंति विम्हट, परंतु णाहं विच्छड्ढिस्सं समप्पिअं ईसि वि ।
१ एतत्प्रभृति, यथा इत्तोप्पं एअप्पभिइ (पाइयलच्छी-४४८) २ विपर्यासः
For Private And Personal Use Only
