________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ममगारधर्मामृतषिणी है० म० १॥ द्रौपदीचरितनिरूपणम् अन्नमन्नस्स एयमढे पडिसुणेति पडिसुणित्ता जेणेव थेरा भगवंतो तेणेव उवागच्छइ उवागच्छित्ता थेरं भगवंतं वंदति णमंसंति वंदित्ताणमंसित्ता एवं वयासी-इच्छामो णं तुम्भेहिं अब्भणुनाया संमाणा अरहं अरिहनेमिं जाव गमित्तए, अहासुहं देवाणुप्पिया ! तएणं ते जुहिडिल्लपामोक्खा पंच अणगारो थेरेहिं भगवंतेहिं अब्भणुन्नाया समाणा। थेरे भगवते वंदइ णमंसह वंदित्ता णमंसित्ता थेराणं अंतियाओ पडिणिक्खमंति मासंमासेणं अणिक्खित्तेणं तवोकम्मेणं गा. माणुगामं दुईजमाणा जाव जेणेव हत्थिकप्पे नयरे तेणेव उवा० हथिकप्पस्स बहिया सहसंबवणे उज्जाणे जाव विहरंति, तएणं ते जुहिडिलवज्जा पत्तारि अणगारा मासखमणपारणए पढमाए पोरिसीए सज्झायं करेंति बीयाए एवं जहा गोयमसामी णवरं जुहिटिलं आपुच्छति जाव अडमाणा बहुजणसई णिसामेति, एवं खलु देवाणुप्पिया ! अरहा अरिट्ठनेमी उजितसेलसिहरे मासिएणं भत्तेणं अपाणएणं पंचहिं छत्तीसेहिं अणगारसएहिं सद्धि कालगए जाव पहीणे, तएणं ते जुहिडिलवज्जा चत्तारि अणगारा बहुजणस्स अंतिए एयमढे सोच्चा हस्थिकप्पाओ पडिणिक्खमंति पडिणिक्खमित्ताजेणेव सहसंबवणे उज्जाणे जेणेव जुहिट्ठिल्ले अणगारे तेणेव उवागच्छइ उवागच्छित्ता भत्तपाणं पच्चक्खंति पच्चक्खित्ता गमणागमणस्स पडिकमंति पडि
For Private and Personal Use Only
