________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पीताधर्मकथा मज्झंमज्झेणं वीइवयइ वीइवइत्ता जेणेव अमरकंका राय. हाणी जेणेव अमरकंकाए अग्गुजाणे तेणेव उवागच्छइ उवागच्छित्ता रहं ठवेइ ठवित्ता दारुयं सारहिं सदावेइ सदावित्ता एवं वयासी-गच्छह णं तुमं देवाणुप्पिया! अमरकंकारायहाणी अणुपविसाहि२ पउमणाभस्स रणो वामेणं पाएणं पायपीढं अक्कमित्ता कुंतग्गेणं लेहं पणामेहि तिवलियं भिउडि णिडाले साहट्ट आसुरुत्ते रुदै कुद्धे कुविए चंडिकिए एवं वयासी-हं भो पउमणाहा ! अपस्थियपस्थिया दुरंतपंतलक्खणा हीणपुन्नचाउद्दसा सिरी हिरिधी परिवज्जिया अज्ज ण भवसि किन्नं तुमंण याणासि कण्हस्स वासुदेवस्स अहव णं जुद्धसज्जे जिग्गच्छाहि एस णं कण्हे वासुदेवे पंचहिं पंडवेहि अप्पछट्टे दोवई देवीए कूवं हव्वमागए, तएणं से दारुए सारही कण्हेणं वासुदेवेणं एवं वुत्ते समाणे हट्टतुट्टे जाव पडिसुणेइ पडिसुणित्ता अमरकंका रायहाणिं अणुपविसइ अणुपविसित्ता जेणेव पउमनाहे तेणेव उवागच्छइ उवागच्छित्ता करयल जाव वद्धावेत्ता एवं वयासी--एस णं सामी ! मम विणयपडिवित्ती इमा अन्ना मम सामिस्स समुहाणत्तित्तिकद्दु आसुरुत्ते वामपाएणं पायपीढं अणुकमइ अणुकमित्ता कोतग्गेणं लेहं पणामइ पणामित्ता जाव कूवं हव्वमागए, तएणं से पउमणाभे दारुणेणं सारहिणा एवं वुत्ते समाणे आसुरुत्ते त्तिवलिं भिउडिं निडाले साहह एवं वयासी-णो अप्पिणामि णं अहं देवाणुप्पिया ! कण्हस्स
For Private and Personal Use Only
