________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
साताधर्मकथाङ्गस्त्रे मूलम्-तएणं से सुए अन्नया कयाई जेणेव सेलगपुरे नयरे जेणेव सुभूमिभागे उजाणे तेणेव समोसरिए परिसा निग्गयासेलओ निग्गओ धम्म सोच्चा देवाणुप्पिया! पंथगपामोक्खाइं पंचं मंतिसयाई आपुच्छामि मंडुयं च कुमारं रज्जे ठावेमि, तओ पच्छा देवाणुप्पियाणं अंतिए मुंडे भवित्ता आगाराओ अणगारयं फव्वयामि, अहासुहं, तए णं से सेलए राया सेलागपुरं नयरं अणुपविसइ, अणुपविसित्ता जेणेव सए गिहे जेणेव बाहिरिया उबट्टाणसाला तेणेव उवागच्छइ, उवागच्छित्ता सीहासणे सन्निसन्ने, तएणं से सेलए राया पंथगपामोक्खे पंच मंतिसए सदावेइ, सहावित्ता एवं वयासी-एवं खलु देवाणुप्पिया! मए सुंयस्स अंतिए धम्मं णिसंते सेविय धम्मे इच्छिए पडि. च्छिए आभिरुइए अहणं देवाणुप्पिया ! संसारभयउत्विग्गे जाव पव्वयामि, तुम्भं गंदेवाणुप्पिया! किं करेह किं ववसाह किं वा ते हियइच्छंति ?, तएणं ते पंथगपामोक्खा सेलगंरायं एवं वयासी-जइणं तुब्भे देवाणुप्पिया ! संसारभउठिवग्गा जाव पव्वयह अम्हाणं देवाणुप्पिया! किमन्ने आहारे वा आलंवे वा अम्हेऽवि य गं. देवाणुप्पिया ! संसारभयउठिवग्गा जाव पव्वयामो, जहा देवाणुप्पिया ! अहं बहुसु कज्जेसु य कारणेसु य जाव तहा णं पवतियाण वि समणाणं बहुसु जाव चक्खुभूए ।
तएणं से सेलगे पंथगपामोक्खे पंचमंतिसए एवं वयासी
For Private And Personal Use Only
