Dashvaikalika Sutram

SR No.: 020178
Original Sutra Author: Haribhadrasuri
Publisher: Shripalnagar Jain S M P Trust
Publication Year: 2012
Total Pages: 466
Language: Sanskrit
Classification: Book_Devnagari & agam_dashvaikalik
File Size: 94 MB

Page 399

श्रीदशवैकालिकं
श्रीहारि० वृत्तिषुतम् ।। ३७५ ।।
उपनयति च स्वर्गं मोक्षं आत्मानं जीवं तपोविनयनिश्चयमतिः, यस्मादेवंविधस्तपोविनीतो भवति तस्मादिति गाथार्थः ।। ३१८ ।। उपचारविनयमाह- अथौपचारिकः पुनर्द्विविधो विनयः समासतो भवति, द्वैविध्यमेवाह प्रतिरूपयोगयोजनं तथाऽनाशातनाविनय इति गाथासमासार्थः ।। ३१९ ।। व्यासार्थमाह- प्रतिरूपः उचितः खलु विनयस्त्रिविधः, काययोगे च वाचि मानसः कायिको वाचिको मानसश्च, अष्टचतुर्विधद्विविधः, कायिकोऽष्टविधः वाचिकश्चतुर्विधः मानसो द्विविधः । प्ररूपणा तस्य कायिकाष्टविधादेरियं भवति वक्ष्यमाणलक्षणेति गाथार्थः ।। ३२० ।। कायिकमाह- अभ्युत्थानमर्हस्य, अञ्जलिः प्रश्नादौ, आसनदानं पीठकाद्युपनयनम्, अभिग्रहो गुरुनियोगकरणाभिसन्धिः, 'कृतिश्चे' ति कृतिकर्म वन्दनमित्यर्थः, शुश्रूषणं विधिवददूरासन्नतया सेवनम्, अनुगमनं आगच्छतः प्रत्युद्गमनम्, संसाधनं च गच्छतोऽनुव्रजनं चाष्टविध: कायविनय इति गाथार्थ: ।। ३२१ ।। वागादिविनयमाह- हितमितापरुषवागिति हितवाक्- हितं वक्ति परिणामसुन्दरम्, मितवाग्- मितं स्तोकैरक्षरैः, अपरुषवागपरुषंअनिष्ठुरम्, तथा अनुविचिन्त्यभाषी स्वालोचितवक्तेति वाचिको विनयः। तथा अकुशलमनोनिरोधः आर्तध्यानादिप्रतिषेधेन, कुशलमनउदीरणं चैव धर्मध्यानादिप्रवृत्त्येति मानस इति गाथार्थ: ।। ३२२ ।। आह- किमर्थमयं प्रतिरूपविनयः ?, कस्य चैष इति ?, उच्यते
नि०- पडिवो खलु विणओ पराणुअत्तिमइओ मुणे अव्वो। अप्पडिरूवो विणओ नायव्वो केवलीणं तु ।। ३२३ ।। नि० एसो भे परिकहिओ विणओ पडिरूवलक्खणो तिविहो। बावन्नविहिविहाणं बेंति अणासायणाविणयं ।। ३२४ ।। नि०- तित्थगरसिद्धकुलगणसंघकियाधम्मनाणनाणीणं। आयरिअथेर ओज्झागणीणं तेरस पयाणि ।। ३२५ ।। नि० अणसायणाय भत्ती बहुमाणो तहय वन्नसंजलणा। तित्थगराई तेरस चउग्गुणा होंति बावन्ना ।। ३२६ ।।
नवममध्ययनं विनयसमाधिः, प्रथमोद्देशकः
निर्युक्तिः
| ३२३-३२६ प्रतिरूपाप्रतिरूपो विनयः ।
।। ३७५ ।।