________________
कसायपाहुडसुत्तं
१३१ 231) समयूणा च पविट्ठा आवलिया होदि पढमकिट्टीए ।
पुण्णा जं वेदयदे एवं दो संकमे होति ।। 232) खीणेसु कसाएसु य सेसाणं के व होति वीचारा ।
खवणा व अखवणा वा बंधोदयणिज्जरा वापि । 233) संकामणमोवट्टणकिट्टीखवणाए खीणमोहंते ।
खवगा य आणुपुवी बोद्धव्वा मोहणीयस्स ।। 234) अण मिच्छ मिस्स सम्मं अट्ठ णसित्थि वेद छक्कं च ।
पुंवेदं च खवेदि हु कोहादीए च संजलणे ॥ 235) अध थीणगिद्धिकम्मं णिहाणिद्दा य पयलपयला य ।
अध णिरय तिरियणामा झीणा संछोहणादीसु ॥ 236) सव्वस्स मोहणीयस्स आणुपुव्वी य संकमो होइ।
लोभकसाए णियमा असंकमो होइ बोधवो ॥ 237) संछुहदि पुरिसवेदे इत्थीवेदं णवंसयं चेव ।
सत्तेव णोकसाए णियमा कोधम्हि संछुहदि ।। 238) कोहं च छुहइ माणे माणं मायाए णियमसा छहइ ।
मायं च छुहइ लोहे पडिलोमो संकमो पत्थि ।। 239) जो जम्हि संछुहंतो णियमा बंधम्हि होइ संछुहणा ।
बंधेण हीगदरगे अहिए वा संकमो णत्थि ॥ 240) बंधेण होइ उदओ अहिओ उदएण संकमो अहिओ।
गुणसेढि अणंतगुणा बोद्धव्वा होइ अणुभागे । 241) बंधेण होइ उदओ अहिओ उदएण संक्रमो अहिओ ।
गुणसे ढि असंखेज्जा च पदेसग्गेण बोद्धव्वा ।। 242) उदयो च अणंतगुणो संपहिबंधेण होई अणुभागे। से काले उदयादो संपहिबंधो अणंतगुणो ।।
सकाय-पत्रिका-२
Jain Education International
For Private & Personal Use Only
www.jainelibrary.org
