Page Text
________________
જમીન મેળવવામાં વાપરવી તેમ નક્કી કર્યું હતું. એ પછી આત્મ-વલ્લભ સમાજ ઉત્કર્ષ સમિતિ નિયુક્ત કરી નાલા સોપારામાં જમીન મેળવી હતી. આજે નાલા સોપારામાં આત્મ-વલ્લભનગર નિર્માણ થઇ રહેલ છે, તેમાં પ્રેરકબળ પૂજય સાધ્વીજી મૃગાવતીશ્રીજી હતાં. તેનો ઉલ્લેખ કરતાં આનંદ અનુભવું છું.
પૂજય સાધ્વીજી મૃગાવતીશ્રીજી મહારાજ સને ૧૯૮૩માં અંબાલામાં ચાતુર્માસ રહેલા ત્યારે કાંગડાતીર્થના વધુ વિકાસ માટે મેં પૂજય સાધ્વીજીને પત્ર લખેલ અને આ પત્રમાં મેં લખેલ કે, આપ પંજાબમાં વિચરો છો પણ કાંગડા તીર્થનો પુન:રોદ્વારનું કામ ઘણું બાકી હોઇ, એ પ્રત્યે વિશેષ ધ્યાન આપો. ત્યારે તેમણે મને જે પત્ર લખેલ હતો તે આજે પણ મારી ફાઇલમાં અકબંધ જળવાઇ રહ્યો છે તે રજૂ કરું છું.
“અંબાલા, તા. ૫-૨-૧૯૮૩ પરમ ગુરુભક્ત સુશ્રાવક ભાઇશ્રી ઉમેદમલભાઇ આદિ સપરિવાર યોગ્ય સાદર ધર્મલાભ. આપનો પત્ર મળ્યો. આપે જે કાઇ લખ્યું છે તે બધી પૂ. ગુરુત્રયીની કૃપા અને વર્તમાન આચાર્ય મહારાજના આશીર્વાદનો પ્રતાપ છે. તો કેવળ નિમિત્તમાત્ર બનું છું. આપ તથા સૌની શુભભાવના મારી સાથે છે. તેનો મને આનંદ છે. કાંગડાતીર્થના વિકાસ માટે-નૂતન જિનમંદિરના નિર્માણ માટે લાલા શાંતિસ્વરૂપજી વિગેરેને કહેવામાં ખામી રાખી નથી. પત્રમાં વિશેષ શું લખું? આપ મને જેમ કહો તેમ હજી પણ હું કાંગડા જવા અને કામ કરવા તૈયાર છું. કાંગડાતીર્થની ભક્તિ મારા હૃદયમાં છે. તીર્થભક્તિ કરતાં મારું કલ્યાણ થાય તેમ હું ઇચ્છું છું. આપની ભક્તિ, સ્નેહ, સ્વાર્પણ અમે કદી ભૂલ્યા નથી. આપના સેવાના ગુણો વિષે મારા હૃદયમાં અનન્ય માન છે અને હંમેશ રહેશે એટલે કાંગડાતીર્થ માટે તમે જેમ કહેશો તેમ કરવા તૈયાર છું.
વધુમાં અંબાલા કૉલેજ માટે કાર્યકરો મુંબઇ આવી રહ્યા છે તો ધ્યાનમાં જરૂર લેશો.
–સાધ્વી 'મૃગાવતીના સાદર ધર્મલાભ
કાંગડા તીર્થના વિકાસ માટેની પૂજયશ્રીની જે ભાવના અને તેમના જીવનનું અંતિમ લક્ષ્ય હતું તે આ પત્રનો એકેએક શબ્દ બોલે છે. એટલે મારે વિશેષ લખવું નથી. પણ પૂજયશ્રીના મારા ઉપર આવેલા પત્રોની ફાઇલ ખોલીને આજે પુન: વાંચું છું ત્યારે તેમનો એકેએક શબ્દ હૃદયને સ્પર્શે છે. જેથી હું મારી જાતને ધન્ય માનું છું.
વલ્લભસ્મારકના કાર્ય માટે એક ભાઇએ સાધ્વીજી મહારાજ પાસે ચેક બુક ધરીને કહ્યું: ‘સાહેબ, આપને જે રકમ ભરવી હોય તે લખો.' તે વખતે સાધ્વીજીએ જે જવાબ આપ્યો તે વાત અમે છેલ્લા દિલ્હી ગયેલા ત્યારે જાણીને છક્ક થઇ ગયાં. તેમણે તે ભાઇને હસતાં હસતાં કહ્યું: ‘ચેક બુક લખવી જ હોત તો આ ત્યાગ શા માટે? તમે ધર્મને માર્ગે વળો તે માટે ભેખ સ્વીકાર્યો છે.”
આમ તેઓએ સમાજઉત્કર્ષના કાર્યો માટે કરોડોના દાનો પ્રેરણા કરી અપાવ્યા છે પણ યાચના કરી નથી. કાંગડા તીર્થોદ્વારિકા, મહતરા, જૈન ભારતી મૃગાવતીશ્રીજીના ચરણકમળોમાં વંદન કરી અંજલિ અર્પી છું.
મહત્તરા શ્રી મૃગાવતીશ્રીજી
૮૧
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |