Page Text
________________
કાંગડા તીર્થોદ્વારિકા પૂજય મૃગાવતીશ્રીજી મહારાજ
D ઉમેદમલ હજારીમલ જૈન
પરમ પૂજય ન્યાયાંભોનિધિ આચાર્યશ્રી આત્મારામજી (વિજયાનંદસૂરિજી) મહારાજના સ્વર્ગવાસ પછી તેઓની સ્મૃતિમાં યુગવીર આચાર્યશ્રી વિજયવલ્લભસૂરીશ્વરજી મહારાજની પ્રેરણાથી વિ.સં. ૧૯૯૭ ચૈતર સુદ ૧ (સને ૧૯૪૧)માં શ્રી આત્માનંદ જૈન સભા-મુંબઇની સ્થાપના કરવામાં આવી હતી. વિ.સં. ૨૦૨૨ (સને ૧૯૬૬)માં સભાને ૨૫ વર્ષ પૂરાં થતાં હોઇ, આ સંસ્થાનો રજત મહોત્સવ પૂજય સાધ્વીજી શીલવતીશ્રીજી મહારાજ તથા તેમ અને પ્રભાવશાળી શિષ્યા સાધ્વીજી મગાવતીશ્રીજી મહારાજની શુભ નિશ્રામાં ઉજવણી કરવાની રજૂઆત મારા સાથી મંત્રીશ્રી સ્વ. રસિકલાલ નાથાલાલ કોરાએ કરેલ અને સભાની મિટીંગમાં આ વાતને સૌએ સહર્ષ વધાવી લીધી.
બંગાળ, બિહાર, ઓરિસ્સા, ઉત્તરપ્રદેશ, મદ્રાસ, બેંગલોર, પંજાબ અને ગુજરાતમાં પૂજય સાધ્વીજીઓએ બે દાયકા સુધી વિચરીને ધર્મજાગૃતિ અને લોકજાગૃતિનું કાર્ય કરી રહ્યાં હતાં તેનાથી હું વિદિત હતો પણ મારે તેઓનો નિકટનો પરિચય સને ૧૯૬૬ સુધી થયેલો નહિ.
શ્રી આત્માનંદ જૈન સભાના રજત મહોત્સવ પ્રસંગે પૂજય સાધ્વીજીઓને વિનંતી કરવામાં આવી તે પછી તેઓશ્રી, અમદાવાદથી વિહાર કરીને સૌ પ્રથમ મુંબઇમાં ભીવંડી પધાર્યા ત્યારે અમોએ ભવ્ય સ્વાગતની તૈયારી કરેલ હતી. પૂજય મૂગાવંતીશ્રીજીએ સભાના કાર્યકરોને જણાવેલ કે બેન્ડવાજા સિવાય અમે પ્રવેશ કરીશું અને ઉત્સાહના અતિરેકમાં બેન્ડ બોલાવશો તો અમે ભીવંડીથી વિહાર કરીને મુંબઇને બદલે બીજા પ્રદેશમાં વિહાર લંબાવશું! આ વાત જાણ્યા પછી બેન્ડ-વાજા કોઇ સ્થળે અમે રાખેલ નહિ. ભીવંડીમાં દર્શન-વંદન કર્યા, પણ તેઓશ્રીની નિકટમાં આવવાનો લાભ મળ્યો નહિ. એ પછી પૂજય સાધ્વીજી મૃગાવતીશ્રીજી મહારાજ ના જાહેર પ્રવચનો મુંબઇના ઉપનગરોમાં ગોઠવાવા લાગ્યા અને શ્રી આત્મવલ્લભ સંદેશવાહક સમિતિના એક અદના સેવક તરીકે પ્રચારાદિ કાર્ય ભક્તિભાવથી મેં સંભાળી લીધું હતું. પૂજય સાધ્વીજી મહારાજના મનનીય વ્યાખ્યાનો યોજવા માટે ઉપનગરોના સંધોના આગેવાનોની વિનંતીઓ ઉપરાઉપર આવવા લાગી. - મુંબઇમાં ભાયખલા શેઠ મોતીશા જૈન દેરાસરમાં પૂજય સાધ્વીજી મહારાજનું ચાતુર્માસ નક્કી થતાં, તા. ૨૯-૫-૧૯૬૬ ના રોજ પાયધૂની-ગોડીજી દેરાસરથી સ્વાગત સરઘસનું ભવ્ય આયોજન થયેલ અને તેથી પ્રભાવિત થઇને પૂજય મૃગાવતીશ્રીજીએ શ્રી રસિકભાઇ કોરાને બોલાવીને આનંદ વ્યક્ત કરતાં કહ્યું : “તમે એક આચાર્યને શોભે તેવો ચાતુર્માસ પ્રવેશ કરાવ્યો છે.” | રસિકભાઈ કોરાએ જવાબમાં કહ્યું : “મહારાજજી આ બધો ઉત્સાહ અને ભક્તિભાવ આ ઉમેદમલજીને આભારી
છે. તે વખતે સાધ્વીજીએ પૂછયું: ‘ઉમેદમલજી કોણ? એમનો તો પરિચય કરાવો.' તે દિવસથી પૂજય સાધ્વીજીઓની નિકટમાં આવવાનું સદભાગ્ય મને પ્રાપ્ત થયું હતું.
શ્રી આત્માનંદ જૈન સભાના રજત મહોત્સવની ઉજવણી પ્રસંગે પૂજય સાધ્વીજીની પ્રેરણાથી સવાલાખની રકમ એકત્ર કરવામાં આવેલ અને આ રકમનો ઉપયોગ મુંબઇના જૈનો માટે રહેઠાણ ઊભા કરવામાં વાપરવાનો નિર્ણય સભાની મિટીંગમાં કરેલ.
પૂજય આચાર્યશ્રી વિજયસમુદ્ર સૂરીશ્વરજી મહારાજની પ્રેરણાથી કાંદિવલીમાં ૩૪૪ કુટુંબોને માટે મહાવીરનગર ઊભું કરવામાં આવેલ છે, તે મુજબ એકદમ સાધારણ જૈન કુટુંબોને સારા વાતાવરણમાં વસાવવા માટે પૂજય સાધ્વીજીએ આત્મ-વલ્લભનગર ઊભું કરવા આત્માનંદ જૈન સભાના કાર્યકરોને ૧૯૬૬માં પ્રેરણા કરી હતી અને સવાલાખની રકમ
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |