________________
पद्मिनी चरित्र चौपई ]
[५३ राणा का आतिथ्य . हम जीमवा आया हुता रे, नहिं लड़वानो काज । 'घणो मामलो काय नहीं रे, आज सुभक्ष सुहगा नाज रे॥७ जीमता जो आणो अछो रे, खरच तणो मनि खेद।। कहो तो फिर पाछा फिरा रे, ते भाखो हम सुभेद रे ॥८॥ भणइ रावल आलिम भणी रे, भलै पधार्या साहि ।। चीजा वोलावो वले रे, जीमवा नी सी परवाह रे ॥६॥ ओछा बोल न बोलीई रे, दिल में राखी योग। बोल बोल वेऊं हस्या रे, हाथ देई तालि जोग रे॥१०॥ मांहो माहि मिलि गया रे, सवल हुओ संतोष । दोष सहु दूरे किया रे, राख्यो रावल रो तोष रे॥१॥ रावल भगति भोजन तणी रे, सहअ कराई सझ । रूड़ी व्यंजन रसवती रे, आरोगण आलिम कन्ज रे॥१२॥ पदमणि सुप्रीतम कहै रे, खरी धरी मन खति । जिण विधइंजस रस रहै रे, भोजन दीजइ तिण भंति रे ॥१३॥ श्रीतम सु पदमणि कहै रे, हु नहिं परुसुहाथ । मो सम दासी माहरी रे, ते परुसस्यै दिलीनाथ ॥१४॥ मानि वचन महाराय जी रे, सिणगारी जव दासि । काम तणी सेवा जसी रे, रूपे रंभा गुण राशि रे ॥१॥ खाति करी खिजमति करें रे, आसण बैसण देह । साख तिहुँ सावती करी रे, तेड़ई दिलीपति तेह रे ॥१६॥
१ साखित सहु ।
