________________
४९३ ]
संणतुकुमारचरिउ
[४९०] .
नमिवि भत्तिण चलण-तामरसकर-संपुडु सिरि धरिवि भणइ - मयण पणइ-यण-वच्छल । जह पयडिउ अप्पु पई करिवि मझुवरि करुण निम्मल ॥ तह पसियसु हियइच्छियह वरह पयाणिण अज्जु । जमिह महंतिहिं संगहिउ हवइ असज्झु वि कज्जु ॥
[४९१] एत्थ-अंतरि पुचि कि न आसि अह होतु न सच्चविउ सच्चविउ वि कि न चित्ति चडियउ। . मण-चडिओ वि वलियरह कसु वि वसिण कि मणह निवडियउ ॥ तियसासुर-नर-नहयरहं हरिस-विहाणि पगब्भु । अन्नु न विहिण वि एरिसउ विहिउ चारु संदभु ॥
अवि य
[४९२]
जेण सिरि-वइ रइउ गोविंदु पंचाउहु रइहि पिउ उव्यसीए सामिउ सुरेसरु । सीयह पइ रामएवु पाण-नाहु तारयह ससहरु । सो थी-रयणह एरिसह करणुज्जय-हिययस्सु । नीसेसु वि अन्भास-कए मन्ने विहिहि अवस्सु ।।
[४९३] . इय विचिंतिरु हरिस-वियसंतरोमंच-अंचिउ कुमरु भणिउ ईसि विह सिवि महिंदिण । नणु सामिय विसम-सर विजिय-तिजय गिय-कित्ति-वंदिण ।। हियइच्छिय-वर-अभिमुहउ किं न हवसि एईए। सिंधुर-गमणिहि ससि-मुहिहि परहुय-सम-वयणीए । ४९०. २. क. धरवि. ८. क. महंतिहि. ४९२. २ क. पिचाउहु. ९. विहियवस्सु. . ४९३. ३. क. महिदिणि,
