________________
मुहता नैणसीरो ख्यात राजलोक बाहर काढियो ।' पोकरणारा लोक सर्व वाहडमेर जाय रह्या । वाहडमेर जायनै दोड़-धाव करण लागा। पोकरणरो देस नरै वसायो । सातलमेर कोट करायो । नरासर तळाव करायो। देस प्राछो रस आयो।
ईया दोडां घणी ही कीवी , पण दखल न पहुचियो ।
यु करता लूको बारह वरसरो हुवो। भालै राव , घोड़े असवार हुवौ। ताहरा पोकरणरै देसनू पोकरणा दखल कीवी। एकरसू सिगळा ही' पोकरणा बाहडमेरसू चढिनै अाया। राव खीवो, चाचो, वरजांग, लूको प्राय नै पोकरणरो वित लियो। ताहरा वासै' चढियो। नरो जाय पुहतो। ताहरां लडाई हुई। साथ काम प्रायो। राव खीवैरा रजपूत ही काम पाया। नरैरा ही रजपूत काम आया। ताहरा पोकरणा नीसरिया, ताहरा नरै लूकैरै वासै घोडो दियो । ताहरा लूकेन जाय पुहतो। लूकै वहत हीज तरवार वाही। इसडी पळसेटी पसवाडे हुय नै वुही, धड सौं माथौ अळगो जाय पडियो। धड घोडो लिये हीज गयो। पांवड़ा दोय सौ ऊपरा जावतो धड पडियो । पोकरणा सारा ही नरानू मार, भिणीयाण जाय उतरिया ।13 ____नरैरो साथ पोकरण आयो। नरै वासै सतियां हुवण लागी4, ताहरा नरैरो माथो नही, ताहरां सतिया पण हुवै नही । ताहरा पोकरणां कना नरारो माथो मगायो। ताहरां पोकरणां कह्यो-'म्हे नरैरो माथो ल्याया नही। धड़हू परै पावडा सौ दोय माथो पडियो छै । एक कैर, एक गागवण, एक झाड़रो पेड छ, उवा झासा माहै नरैरो माथो पड़ियो छै ।" थे जाय नै ल्यो ।' ताहरां
I तव स्त्रियोको बाहर निकाल दिया। 2 बाडमेर जाकर दौडे-धावे करने लगे। 3 देश भली प्रकार आधीन हुआ। 4 इन्होने दौड-धूप बहुत ही की। 5 भाला चलाने मे कुगल। 6 एक वार। 7 सभी। 8 गो-धन। 9 पीछे। 10 जा पहुचा। 11 चलते हुए ही लकेने तलवारका प्रहार किया। 12 वाजूमे होकर ऐसी आडी तलवार चली जिससे घडसे सिर अलग होकर जा गिरा। 13 भिणियाणे गांवमे जोकर ठहरे। 14 नरेके पीछे उसकी स्त्रिये सती होने लगी। 15 पासमे। 16 एक करील, एक गागवण इन क्षुपोके अतिरिक्त एक वृक्ष और है उन झाडियोके अन्दर नरेका सिर पड़ा हुआ है।
