________________
मुंहता नैणसीरी ख्यात राव दुरगारो घोड़ो वढियो। तद दुरगो हाथी चढियो। हाजीखांन फोज मांहे ऊभो थो, तिण दुरगारा हाथीनूं कटारो वाही । तीर १ रांणा उदैसिंघरै लागो । तरै फोज भागी। त, इतरो साथ रांणारो .. काम आयो-१ रा० तेजसी डूंगरसीयोत, १ वालीसा सूजो, १ डोडियो भीव, १ चूंडावत छीतर औ तो सिरदार नै आदमी १०० वीजा' काम आया । नै आदमी १५० हाजीखाँनरा काँम आया । नै आदमी ४० राव मालदेरा कॉम आया। रावजीरै इण मामले में मेड़तो आयो । .. तठा पछै हाजीखाँन ऊपर पातसाहरी फोज आई। पछ हाजीखाँननूं राव मारवाड़ माँहे एक वार जैतारणरै गाँव लौठीधरी-नींवोळ आणियो । पछै केई दिन अठै रह्यो । नै पछ हाजीखाँन गुजरात गयो। पछै पातसाहनूं हसनकुली मालम कियो। अजमेरसूं हाजीखाँन मारवाड़ गयो छ। तरै पातसाह हुकम कियो। जिण राखियो छै तिणनूं मारल्यो । तरै फौज जैतारण आइ । तरै हाजीखाँन तो नीसरियो' । पछै राव रतनसीयूँ नै जैतारण मारी।
वात
राँणा अमरारै विखै , रावत नारायणदास अचलदासोत सकतारो पोतरो0 राँणा सगरनूं जाय मिलियो। तद सगरनूं चितोड़ घणा परगनासू थी। नाराणदासरो सगर घणो आदर कियो । गाँव ६४सू वेघम, गाँव ६४सू रतनपुर दियो । तठा हछ कितरेक दिनै राणा अमरारै नै पातसाहरै मेळ हुवो । तरै सगरसूचीतोड़ उतरी। सगर परो गयो । चीतोड़ राँणा अमरारो अमल हुवो । पिण वेघम राणारा आदमी गया त्यानूं12 रावत नाराणदास अमल दे नहीं13 । तरै दीवाण रावत मेघनूं वेघम ऊपर विदा कियो। तर मेघ आदमी २ मेलनै रावत नाराणदास कहाड़ियो14-"श्री दीवाएजी आपणे15 माइत छै। आपणा
1 कटा 1 2 कटारी फेंकी। 3 इतना । 4 दूसरे 15 गांवका नाम (लोटोती-नींवोल)।.. 16 ले आये। 7 निकल गया। 8 राव रतनसीको मार कर जैतारणको लूट लिया । 9 संकटमें। 10 पौत्र । 11 अधिकार हो गया। 12 उनको। 13 अधिकार करने नहीं देते। .. 14 कहलवाया । 15 चित्तोड़के राना (अमरसिंह) 1 16 माता-पिता हैं।
