________________
४०७-४१९]
राठौडारी वातां ४०७ अभैसिघजी १, वखतसिघजी २, रामसिंघजी ३, अणदसिघजी ४, सोभाग- ,
सिंघजी ५, प्रतापसिंघजी ६, रतनसिघजी ७, रूपसिंघजी ८, सुरताणसिंघजी ९, उदोतसिंघजी १०, छत्रसिघजी ११, किसोरसिंघजी १२, गागोजी १३-इता
महाराज अजीतसिंघजीरा कवर हुवा । ४०८ किसोरसिंघजीरी अक माई बहन उदैपुर परणायी रामसिंघजी बखतसिघ
जीरै जग हुवो जद रामसिंघजीरै सामल रह्या महाराज किसोरसिंघजी । ४०९ महाराज बखतसिघजी राजाधिराज कहावै, किसोरसिंघजी तेगबहादुर कहावै । ४१० महाराज अजीतसिघरी बेटी सूरजकवरबाई सवाई जैसिघजीनू परणायी,
सोभागकवरवाई राणा जगतसिंघजीरा कवर प्रतापसिंघजीनू परणायी इद्रकवर परणायी कुळकवरबाई जैसळमेर रावल अखैराजजीनू परणायी।
अभैसिंघ ४११ नबाब सेर बुलदखा काळीरा कोट कनै डेरा किया। ४१२ आठ हजार सवार, दस हजार सवार प्यादल नबाब कनै हुता छोटी-मोटी
नवस तोप नवाब कनै हुती। ४१३. आसोज सुद ७ कोचर पालडी महाराज अभैसिंघजी बखतसिंघजी डेरा कर
मोरचा पाच सहरनू नै भदरनू लगाया च्यार मोरचा अभैसिंघजीरी फौजरा,
अक मोरचो महाराजा बखतसिघजीरी फौजरो। ४१४ महाराज अभैसिघजीरी फौजरै अंक मोरचै ठाकुर अभकरणजी महासिंघजी नै
जीवणी मिसल भागीरथदासजी । ४१५ दूजै मोरचै सेरसिंघ सिरदारसिघोत, प्रतापसिंघ भीमोत डावी मिसलनै
पुरोहित केसरीसिघजी। ४१६ तीजै मोरचे मारोठरो नै चौरासीरो साथ नै भडारी विजैराजजी। ४१७ मोरचै चौथै गुजराती सिपाही नै भडारी रतनसिघ । ४१८ राजाधिराजरी फौजरै मोरचै नागोररा सिरदार नै पचोळी लालो । ४१९ भदरमे नवावरो कबीलो हुतो सो अक बीवीरै गोळो लागो आसोज सुदी
१० सनीवार वडो फजर हो नवाब सेरसिंघ सिरदारसिंघोतरा मोरचा माथै आयो जद अभैकरणजी नै चापावत करण राजसिंघोत दौडनै सेरसिंघजीरै मोरच आया उठे वेढ हुई तीनसै आदमी मियारा काम आया।
