________________
१७३-१८४]
राठौडारी वातां १७३ पातररा पेटरा दोय-महेम १, डुगरसी २ । १७४ ओळगणैरा बेटा आठ-तिलोकसी १, जैमल २, लखमीदास ३, रूपसिंध ४,
तेजसिंध ५, ठाकरसी ६, ईसरदास ७, नेतसी ८ । १७५ राठोड़ रायमल राव मालदेरो, सो बूंदीरा धणी हाडा राव सुरजनरी
बेटी परणियो। १७६. देहरो राव सुरजण जिणरी बेटी रतनकवर रायमल मालदेओत परणियो। १७७, रायमल राव मालदेओतरा बेटारी विगत-कल्याणदास १, प्रतापसी २, कान्ह ३,
बळभद्र ४, सावळदास ५ । १७८ सवत १६६४ सिवाणे कलो रायमलोत राणियारी जमर कर सात जणांसू
काम आयो माधो पातसारी डोढी पूगो। १७९ कल्याणदास रायमलोत लाहोरमे अकसदी पातसाही चाकरनू भार
सिवाणे चढियो. पातसाह मोटा राजानू आग्या दिवी-- 'इणनू मारो' जद सिवाणा माथै गया कवर भोपत १, कवर जैतसिंघ २, .... ३, रावळ मेघराज ४, राठोड वैरसल प्रथीराजोत ५, महमदखा जावारी ६
इत्यादिक घणा साथै हा । - १८० परवतसिंघ देवडो मेहाजळोत राव कलारो भाई कल्याणदासजी रातीवासो
दियो जद माराणो। १८१ खीची गणेसदास कला रायमलोतरो माथो काटियो ।
उरळी चारो राइका, म्हारा भालारी छाहि ।
जो जासी तो आणसू, बाबा मेहारी बाहि ॥ १८२ कलाजीरा हिंडोळा
काणाणे का? नीपजै, सिवाणे भरीजै भोग । काकै भतीजै मारियो, काठा गहुवारै लोभ ।। रातो वागो पहरिया, कवळी मूछारो माण ।
ज्या दीठो त्या सालसी, रायमलरो कल्याण ॥ १८३ रतनसी राव मालदेरो सवत १५८९ रा आसोज सुद ८ जनम. रतनसीरा
बेटारी विगत-सादूल १, सुरताण २, सुदरदास ३, जैतसी ४, दळपत ५,
नाथो ६, पचायण ७। १८४ महेस राव मालदेरो, टीपू पातररो बेटो मानो गूगो रोहिल रहतो जिणरी
बेटी टीपू महेसदासरै बेटा तीन-रामदास १, दूदो २, कल्याणदास ३ ।
