________________
२१०]
वांकीदासरी ख्यात
[२६३२-२६४८ २६३२. कछमे चितराणा अगियारा ऊट आछा हुवै है । २६३३ सिंधरी तमाखू नव सेर विकै १) री, जठे माळवण सेर विकै । २६३४ आवा मुळतान आछा हुवै । २६३५ गुजरातमे चद्रकळा साडी उमदा हुवै धनवतारी त्रिया ओढे । २६३६ पावागढरो पाखाण गुजरातमे है इण पत्थर सिवाय और खाणरो पत्थर नहीं। २६३७ सूघणी तमाखू पूनै अति चोखी हुवै है पाच रुपिया सेर विकै । २६३८ काफरी बदूका दुरपलारी दिखणमे बोह मोली ठावा बहादुरा कनै पावै । २६३६ पाच सेर घास पाच सेर दाणो उजवकारो घोडो आठ पहरमे खावै अकमे
सौ कोस जावै । २६४० मरकव यवन देसा वाहण हुवै सो नित सौ कोस जावै घोडासू ही मजबूत हुवै है रुमयोडो कान, आवाज गधारै सरीसी ।
प्रसिद्ध गीत २६४१ ब्रह्म-मूहूर्त समै लाखो फूलाणी गवीज दोय घडी दिन चढिया धनासरीमे
वाघो कोटडियो, तीसरै पोर सामैरीमे रिडमल, रातरो सोढो महदरो
गीत गवीजै। २६४२ दोय घड़ी रात लारली रहै सो ब्रह्म-मुहूर्त. इण वेळा विभास वेळावळमे लाखों
फूलाणी गवीज - प्रह लाखो सु विहाण । २६४३ दोय घडी दिन चढिया धनासरीमे कोटडियो गवीजै । २६४४ सामहरीमे दुपहरी पछै रिडमल गवीजै । २६४५ जेही मावत जनमियो, लाखणसी सोनल्ल । गागणियाणी जेहीरै मावत वेटो
हुवो लाखो फूलाणी सोनल अपछुरारी कूख जनमियो । २६४६ पच्छमरा गावा वीद चवरीसू परणीज उतरै जद, चारणारै रीत है, लाखो फूलाणी गवीज, रुपियो गायक पावं ऊ लाखाणीरो रुपियो कहावै ।
प्रसिद्ध व्यक्ति और वस्तु २६४७ जाम तमाईची नूरी गवीजै, हीर-राझो गवीज, पनो ससुई गवीज, मिहर
सोहणी गवीजै, मूमल महदरो गवीजे, मारवी ऊमर गवीजै सिधमे । २६४८ नूरी मीर वहररी वेटी, जाम तमाइची घरमें पाली हीर-राझारा गीत जोग
कहावै तमाइची नूरीरा गीत कामेमन कहावै ।
