________________
१४९२-१५०३ ]
नरूकांरी वातां
[ १२९
कजियोकियो रिख - पूनम दिन. तीन हजार दादूपथी काम आया. वलारारो धणी खेतावत काम आयो देवीसिंहरा भुजरै तीर लागो मुरतजाखा भागो. पठाण घणा माराणा फौज लूटी गयी फतै सेखावत कीवी ।
१४९२ इण चाकरीसू पचास रूपिया देवीसिंघरी थाळीरा रोजीना जैपुरसू कर दीना ।
१४९३ सीकर सेखावत सिवसिंघरो बडो बेटो समरथसिंघनै अंक बाई जोधारी भाणेज बाईनू साहपुरै उमेदसिंघजीनू परणायी
१४९४ . कीरतसिंघ १, उमेदसिंघ २, पालीरा चापावतारा भाणेज सेखावत सिवसिंघरा कवर वडा जोरवान ज्यानू सिवसिंघ मराया समरथसिंघरं हाथ ।
नरूका
१४९५. पाधररा पातसाह - ओ नरूकारो विरद ।
१४९६ राजगढ १, प्रतापगढ २, रामगढ ३, लिछमणगढ ४, गोवदगढ ५, किसनगढ ६, वळदेवगढ ७, पिरोजपुरी ८, गाजीरो थाणो ९, माला खेडो १०, अलवर ११इत्यादिक बावन गढ माचेडीरा रावराजारै है ।
१४९७ माचेडीरो रावराजा प्रतापसिंघ जैतावतरो भाणेज बारणा वालारो । १४९८. रावराजा बखतावरसिंघ माचेडीरो पहला कुचामण परणीज पछै त्रिसिंगिया वडगूजरांरै परणियो ।
१४९९ कुछी सिंधरी गाया, कछरी साढा, पटियाळ ह्यरफरी भैसिया, घोड़िया काठियावाडरी, हजारा रावराजा वखतावरसिंघ मगायी ।
१५०० पथ हर देव ओजो १, माणक मेथीलनी २, सबळनाथ जोगी ३, पालावत बारट उमेदजी ४–आ च्यारानू रावराजा वखतावर सिंघ मानिया ।
१५०१ समरथसिंघ मर गयो सीकररो धणी नाहरसिंघ समरथसिंघोत जैपुर हुतो जद चादसिंघ बुधसिंघ वैरीसू आया पठाण मसतेखानू मार मैसरी चितलागियो जात नाव दीपचंद नाहरसिंघरो कामेती जिणनू मार सीकर लीवी ।
१५०२. मेडतियो सेरसिंघ लुळवारो धगी जिणरी बेटी साहिबकवर सिवसिंघजी परणियो चादसिंघ, बुधसिंघ दोय बेटा हुवा |
Son
१५०३. भडैचसू कजियो हुवो जद परमरामजीको उमेदसिंघ और चादावत भाई जालमसिंघ दोनू आछा हुवा सीकर देवीसिंघजी आनू ववाया ।
१७
