________________
सुत्तागमे
[ववहारो
णिग्गंथस्स णं गामाणुगामं दूइज्जमाणस्स अण्णयरे उवगरणजाए परिब्भट्ठे सिया, तं च केइ साहम्मिए पासेज्जा, कप्पइ से सागारकडं गहाय दूर ( मवि) मेवयद्धाणं परिवहित्तए, जत्थेव अण्णमण्णं पासेज्जा तत्थेव एवं वएज्जा - इमे भे अज्जो ! किं परिण्णाए ? से य वएज्जा - परिण्णाए, तस्सेव पडिणिजाएयव्वे सिया, से य वएजानो परिण्णाए, तं नो अप्पणा परिभुंजेजा नो अण्णमण्णस्स दावए, एगंते बहुफासुए थंडिले परिट्ठवेयव्वे सिया ॥ २१८ ॥ कप्पर णिग्गंथाण वा णिग्गंथीण वा अइरेगपडिग्गहं अण्णमण्णस्स अट्ठाए (दूरमवि अद्धाणं परिवहित्तए) धारेत्तए वा परिग्गहित्तए वा सो वाणं धारेस्सइ अहं वा णं धारेस्सामि अण्णो वा णं धारेस्सइ, नो से कप्पइ ते अणापुच्छिय अणामंतिय अण्णमण्णेसिं दारं वा अणुप्पयाडं वा, कप्पइ से ते आपुच्छिय आमंतिय अण्णमण्णेसिं दाउँ वा अणुप्पयाडं वा ॥ २१९ ॥ अट्ठ कवलप्पमाणमेत्ते आहारं आहारेमाणे (समणे) णिग्गंथे अप्पाहारे, बार(दुवाल)स कवलप्पमाणमेत्ते आहारं आहारेमाणे णिग्गंथे अवड्ढोमोयरिया, सोलस कवलप्पमाणमेत्ते आहारं आहारेमाणे णिग्गंथे दुभागपत्ते, चउवीसं कवलप्पमाणमेत्ते आहारं आहारेमाणे णिग्गंथे ओ(पत्तो ) मोयरिया, एगतीसं कवलप्पमाणमेत्ते आहारं आहारेमाणे णिग्गंथे किंचूणोमोयरिया, बत्तीसं कवलप्पमाणमेत्ते आहारं आहारेमाणे णिग्गंथे पमाणपत्ते, एत्तो एगेण वि कउले (घासे) णं ऊणगं आहारं आहारेमाणे समणे णिग्गंथे णो पकामरसभोइ-त्ति वत्तव्वं सिया ॥ २२० ॥ ति- बेमिं ॥ ववहारस्स अट्टमो उद्देसओ समत्तो ॥ ८ ॥
८२०
ववहारस्स णवमो उद्देसओ
सागारियस्स आएसे अंतो वगडाए भुंजइ निट्ठिए नि (सि) सट्टे पाडिहारिए, तम्हा दावए, नो से कप्पइ पडिगाहेत्तए ॥ २२१ ॥ सागारियस्स आएसे अंतो वगडाए भुंजइ निट्ठिए निसट्टे अपाडिहारिए, तम्हा दावए, एवं से कप्पइ पडिगाहेत्तए ॥ २२२ ॥ सागारियस्स आएसे बाहिं वगडाए भुंजइ निट्ठिए निसट्ठे पाडिहारिए, तम्हा दावए, नो से कप्पर पडिगाहेत्तए ॥ २२३ ॥ सागारियस्स आए से बा वगडाए भुंजइ निट्ठिए निसट्ठे अपाडिहारिए, तम्हा दावए, एवं से कप्पइ पडिगाहेतए ॥ २२४ ॥ सागारियस्स दासे वा वेसे वा भयए वा भइण्णए वा अंतो वगडाए भुंजइ निट्ठिए निसट्ठे पाडिहारिए, तम्हा दावए, नो से कप्पइ पडिगाहेत्तए ॥ २२५ ॥ सागारियस्स दासे (इ) वा वेसे वा भयए वा भइण्णए (पेसे) वा अंतो वगडाए भुंज निट्ठिए निसट्ठे अपाडिहारिए, तम्हा दावए, एवं से कप्पर पडिगाहेत्तए ॥ २२६ ॥ सागारियस्स दासे वा वेसे वा भयए वा भइण्णए वा बाहिं वगडाए
