________________
उ० ९ सागारिय०]
सुत्तागमे
भुंजइ निट्ठिए निसट्टे पाडिहारिए, तम्हा दावए, नो से कप्पइ पडिगाहेत्तए ॥२२७॥ सागारियस्स दासे वा वेसे वा भयए वा भइण्णए वा बाहिं वगडाए मुंजइ निट्ठिए निसढे अपाडिहारिए, तम्हा दावए, एवं से कप्पइ पडिगाहेत्तए ॥ २२८ ॥ सागारिय(स्स)णायए सिया सागारियस्स एगवगडाए अंतो (सागारियस्स) एगपयाए सागारियं चो(च उ)वजीवइ, तम्हा दावए, णो से कप्पइ पडिगाहेत्तए ॥ २२९ ॥ सागारियणायए सिया सागारियस्स एगवगडाए अंतो अभिणिपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३० ॥ सागारियणायए सिया सागारियस्स एगवगडाए बाहिं एगपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३१ ॥ सागारियणायए सिया सागारियस्स एगवगडाए बाहिं अभिणिपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३२ ॥ सागारियणायए सिया सागारियस्स अभिणिव्वगडाए एगदुवाराए एगणिक्खमणपवेसाए अंतो एगपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३३ ॥ सागारियणायए सिया सागारियस्स अभिणिव्वगडाए एगदुवाराए एगणिक्खमणपवेसाए अंतो अभिणिपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३४ ॥ सागारियणायए सिया सागारियस्स अभिणिव्वगडाए एगदुवाराए एगणिक्खमणपवेसाए बाहिं एगपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३५॥ सागारियणायए सिया सागारियस्स अभिणिव्वगडाए एगदुवाराए एगणिक्खमणपवेसाए बाहिं अभिणिपयाए सागारियं चोवजीवइ, तम्हा दावए, णो से कप्पइ पडिगाहेत्तए ॥ २३६ ॥ सागारियस्स चकियासाला साहारणवक्कयपउत्ता, तम्हा दावए, णो से कप्पइ पडिगाहेत्तए ॥ २३७ ॥ सागारियस्स चक्कियासाला णिस्साहारणवकयपउत्ता, तम्हा दावए, एवं से कप्पइ पडिगाहेत्तए ॥ २३८ ॥ सागारियस्स गोलियसाला साहारणवकयपउत्ता, तम्हा दावए, णो से कप्पइ पडिगाहेत्तए ॥ २३९ ॥ सागारियस्स गोलियसाला णिस्साहारणवकयपउत्ता, तम्हा दावए, एवं से कप्पइ पडिगाहेत्तए ॥ २४० ॥ सागारियस्स वो(बो)धियसाला साहारणवक्कयपउत्ता, तम्हा दावए, णो से कप्पइ पडिगाहेत्तए ॥ २४१॥ सागारियस्स वोधियसाला णिस्साहारणवकयपउत्ता, तम्हा दावए, एवं से कप्पइ पडिगाहेत्तए ॥ २४२ ॥ सागारियस्स दोसियसाला साहारणवक्कयपउत्ता, तम्हा दावए, णो से कप्पइ पडिगाहेत्तए ॥ २४३ ॥ सागारियस्स दोसियसाला णिस्साहारणवक्कयपउत्ता, तम्हा दावए, एवं से कप्पइ पडिगाहेत्तए ॥ २४४ ॥ सागारियस्स सोत्तियसाला साहारणवक्कयपउत्ता, तम्हा दावए, णो से
