________________
उ० ४ ब० मि०]
सुत्तागमे भिक्खू जाव चउरायपंचरायाओ थेरे पासेज्जा, सञ्चेव आलोयणा सच्चेव पडिक्कमणा सच्चेव ओग्गहस्स पुव्वाणुण्णवणा चिठ्ठइ अहालंदमवि ओग्गहे ॥ १२० ॥ चरियापविढे भिक्खू परं चउरायपंचरायाओ थेरे पासेज्जा, पुणो आलोएज्जा पुणो पडिक्कमेज्जा पुणो छेयपरिहारस्स उवट्ठाएजा, भिक्खुभावस्स अट्ठाए दोच्च पि ओग्गहे अणुण्णवेयव्वे सिया, अणुजाणह भंते ! मिओग्गहं अहालंदं धुवं नि(च्छइ)तियं वेउट्टियं, तओ पच्छा कायसंफासं ॥ १२१ ॥ चरियानियट्टे भिक्खू जाव चउरायपंचरायाओ
थेरे पासेजा, सच्चेव आलोयणा सच्चेव पडिक्कमणा सच्चेव ओग्गहस्स पुव्वाणुण्णवणा चिट्ठइ अहालंदमवि ओग्गहे ॥ १२२ ॥ चरियानियहे भिक्खू परं चउरायपंचरायाओ
थेरे पासेज्जा, पुणो आलोएज्जा, पुणो पडिक्कमेजा, पुणो छेयपरिहारस्स उवट्ठाएजा, भिक्खुभावस्स अट्ठाए दोच्चं पि ओग्गहे अणुण्णवेयव्वे सिया । अणुजाणह भंते ! मिओग्गहं अहालंदं धुवं नितियं वेउट्टियं, तओ पच्छा कायसंफासं ॥ १२३ ॥ दो साहम्मिया एगयओ विहरंति, तंजहा-सेहे य राइणिए य, तत्थ सेहतराए पलिच्छण्णे, राइणिए अपलिच्छण्णे, सेहतराएणं राइणिए उवसंपज्जियव्वे, भिक्खोववायं च दलयइ कप्पागं ॥ १२४ ॥ दो साहम्मिया एगयओ विहरंति, तंजहा-सेहे य राइणिए य, तत्थ राइणिए पलिच्छण्णे, सेहतराए अपलिच्छण्णे, इच्छा राइणिए सेहतरागं उवसंपज्जइ इच्छा नो उवसंपज्जइ, इच्छा भिक्खोववायं दलयइ कप्पागं इच्छा नो दलयइ कप्पागं ॥ १२५ ॥ दो भिक्खुणो एगयओ विहरंति, नो ण्हं कप्पइ अण्णमण्णं उवसंपजित्ताणं विहरित्तए, कप्पइ ण्हं अहाराइणियाए अण्णमण्णं उवसंपजित्ताणं विहरित्तए ॥ १२६ ॥ दो गणावच्छेइया एगयओ विहरंति, नो ण्हं कप्पइ अण्णमण्णं उवसंपज्जित्ताणं विहरित्तए, कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ॥ १२७ ॥ दो आयरियउवज्झाया एगयओ विहरंति, नो ण्हं कप्पइ अण्णमण्णं उवसंपजित्ताणं विहरित्तए, कप्पइ ण्हं अहाराइणियाए अण्णमण्णं उवसंपज्जित्ताणं विहरित्तए ॥ १२८ ॥ बहवे भिक्खुणो एगयओ विहरंति, नो ण्हं कप्पइ अण्णमण्णं उवसंपजित्ताणं विहरित्तए, कप्पइ ण्हं अहाराइणियाए अण्णमण्णं उवसंपजित्ताणं विहरित्तए ॥ १२९ ॥ बहवे गणावच्छेइया एगयओ विहरंति, नो ण्हं कप्पइ अण्णमण्णं उवसंपज्जित्ताणं विहरित्तए, कप्पइ ण्हं अहाराइणियाए अण्णमण्णं उवसंपजित्ताणं विहरित्तए ॥ १३० ॥ बहवे आयरियउवज्झाया एगयओ विहरंति, नो ण्हं कप्पइ अण्णमण्णं उवसंपज्जित्ताणं विहरित्तए, कप्पइ हं अहाराइणियाए अण्णमण्णं उवसंपज्जित्ताणं विहरित्तए ॥ १३१ ॥ बहवे भिक्खुणो बहवे गणावच्छेइया बहवे आयरियउवज्झाया एगयओ विहरंति,
