________________
समत्ती] सुत्तागमे
७९५ धोवइ, कक्खन्तराई धोवइ, गुज्झन्तराई धोवइ, जत्थ जत्थ वि य णं ठाणं वा सेजं वा निसीहियं वा चेएइ, तत्थ तत्थ वि य णं पुवामेव पाणएणं अब्भुक्खेइ, तओ पच्छा ठाणं वा सेजं वा निसीहियं वा चेएइ ॥ १५७ ॥ तए णं ताओ पुप्फचूलाओ अजाओ भूयं अजं एवं वयासी-अम्हे णं देवाणुप्पिए ! समणीओ निग्गन्थीओ इरियासमियाओ जाव गुत्तबम्भयारिणीओ, नो खलु कप्पइ अम्हं सरीरबाओसियाणं होत्तए, तुमं च णं देवाणुप्पिए ! सरीरबाओसिया अभिक्खणं २ हत्थे धोवसि जाव निसीहियं चेएसि, तं गं तुमं देवाणुप्पिए ! एयस्स ठाणस्स आलोएहित्ति, सेसं जहा सुभद्दाए जाव पाडिएकं उवस्सयं उवसंपज्जित्ताणं विहरइ । तए णं सा भूया अज्जा अणोहटिया अणिवारिया सच्छन्दमई अभिक्खणं २ हत्थे धोवइ जाव चेएइ ॥ १५८ ॥ तए णं सा भूया अजा बहूहिं चउत्थछट्ठ० बहूई वासाइं सामण्णपरियागं पाउणित्ता तस्स ठाणस्स अणालोइयपडिकन्ता कालमासे कालं किच्चा सोहम्मे कप्पे सिरिवर्डिसए विमाणे उववायसभाए देवसयणिजसि जाव ओगाहणाए सिरिदेवित्ताए उववन्ना पञ्चविहाए पजत्तीए जाव भासामणपजत्तीए पजत्ता । एवं खलु गोयमा ! सिरीए देवीए एसा दिव्वा देविड्डी लद्धा पत्ता। एगं पलिओवमं ठिई । सिरी णं भन्ते ! देवी जाव कहिं गच्छिहिइ० ?.."महाविदेहे वासे सिज्झिहिइ । निक्खेवओ ॥ १५९ ॥ पढमं अज्झयणं समत्तं ॥४।१॥ ___ एवं सेसाणवि नवण्हं भाणियव्वं । सरिसनामा विमाणा। सोहम्मे कप्पे। पुव्वभवे नयरउजाणपियमाईणं अप्पणो य नामाई जहा संगहणीए । सव्वा पासस्स अन्तिए निक्खन्ता। ताओ पुप्फचूलाणं सिस्सिणियाओ सरीरबाओसियाओ सव्वाओ अणन्तरं चयं चइत्ता महाविदेहे वासे सिज्झिहिन्ति ॥ १६० ॥ ४॥ १०॥ पुप्फचू[ला लियाओ समत्ताओ॥ चउत्थो वग्गो समत्तो ॥४॥
