________________
७८२
सुत्तागमे
[पुफियाओ
भोगभोगाई जाव विहरामि, नो चेव णं दारगं वा दारियं वा पयायामि, तं इच्छामि णं देवाणुप्पिया ! तुब्भेहिं अब्भणुन्नाया समाणी सुव्वयाणं अजाणं जाव पव्वइत्तए ॥ ११८ ॥ तए णं से भद्दे सत्थवाहे सुभदं सत्थवाहिं एवं वयासी-मा णं तुमं देवाणुप्पिए ! इयाणिं मुण्डा जाव पव्वयाहि, भुञ्जाहि ताव देवाणुप्पिए ! मए सद्धिं विउलाई भोगभोगाई, तओ पच्छा भुत्तभोई सुव्वयाणं अजाणं जाव पव्वयाहि । तए णं सुभद्दा सत्थवाही भद्दस्स० एयमढें नो० परियाणइ । दोचंपि तच्चपि सुभद्दा सत्थवाही भई सत्थवाहं एवं वयासी-इच्छामि णं देवाणुप्पिया ! तुब्भेहिं अब्भणुनाया समाणी जाव पव्वइत्तए । तए णं से भद्दे सत्थवाहे जाहे नो संचाएइ वहूहिं आघवणाहि य एवं पन्नवणाहि य सन्नवणाहि य विन्नवणाहि य आघवित्तए वा जाव विनवित्तए वा ताहे अकामए चेव सुभद्दाए निक्खमणं अणुमन्नित्था ॥ ११९ ॥ तए णं से भद्दे सत्थवाहे विउलं असणं ४ उवक्खडावेइ, मित्तनाइ..."तओ पच्छा भोयणवेलाए जाव मित्तनाइसक्कारेइ संमाणेइ, सुभदं सत्थवाहिं ण्हायं सव्वालंकारविभूसियं पुरिससहस्सवाहिणिं सीयं दुरूहेइ । तओ सा सुभद्दा सत्थवाही मित्तनाइ जाव संबन्धिसंपरिचुडा सब्बिड्डीए जाव रवेणं वाणारसीनयरीए मज्झमज्झेणं जेणेव सुव्वयाणं अजाणं उवस्सए तेणेव उवागच्छइ २ त्ता पुरिससहस्सवाहिणिं सीयं ठवेइ, सुभदं सत्थवाहिं सीयाओ पच्चोरहेइ ॥ १२० ॥ तए णं भद्दे सत्थवाहे सुभई सत्थवाहिं पुरओ काउं जेणेव सुव्वया अजा तेणेव उवागच्छइ २ त्ता सुव्वयाओ अजाओ वन्दइ नमसइ वं० २ त्ता एवं वयासी-एवं खलु देवाणुप्पिया ! सुभद्दा सत्थवाही मम भारिया इट्ठा कन्ता जाव मा णं वाइया पित्तिया सिम्भिया संनिवाइया विविहा रोगायङ्का फुसन्तु, एस णं देवाणुप्पिया ! संसारभउव्विग्गा भीया जम्म(ण)मरणाणं देवाणुप्पियाणं अन्तिए मुण्डा भवित्ता जाव पव्वयाइ, तं एयं अहं देवाणुप्पियाणं सीसिणीभिक्खं दलयामि, पडिच्छन्तु णं देवाणुप्पिया ! सीसिणीभिक्खं । अहासुहं देवाणुप्पिया ! मा पडिबन्धं करेह ॥ १२१॥ तए णं सा सुभद्दा सत्थवाही सुव्वयाहिं अजाहिं एवं वुत्ता समाणी हट्ठ० सयमेव आभरणमल्लालंकारं ओमुयइ २ त्ता सयमेव पञ्चमुट्ठियं लोयं करेइ २ त्ता जेणेव सुव्वयाओ अजाओ तेणेव उवागच्छइ २ ता सुव्वयाओ अजाओ तिक्खुत्तो आयाहिणपयाहिणेणं वन्दइ नमसइ वं० २ त्ता एवं वयासी-आलित्ते णं भन्ते 'जहा देवाणन्दा तहा पव्वइया जाव अज्जा जाया जाव गुत्तबम्भयारिणी ॥ १२२ ॥ तए णं सा सुभद्दा अजा अन्नया कयाइ बहुजणस्स चेडरूवे संमुच्छिया जाव अज्झोववन्ना अब्भङ्गणं च उव्वणं च फायपाणं च अलत्तगं च ककणाणि य अञ्जणं च वण्णगं च चुण्णगं च खेलणगाणि
