________________
सुत्तागमे
[ पुफियाओ
पाउब्भूए । तए णं से देवे सोमिलमाहणं एवं वयासी-हं भो सोमिलमाहणा! पव्वइया ! दुप्पव्वइयं ते । तए णं से सोमिले तस्स देवस्स दोच्चंपि तच्चंपि एयमटुं नो आढाइ नो परिजाणइ जाव तुसिणीए संचिठ्ठइ । तए णं से देवे सोमिलेणं माहणरिसिणा अणाढाइजमाणे जामेव दिसिं पाउब्भूए तामेव दिसिं पडिगए । तए णं से सोमिले कलं जाव जलन्ते वागलवत्थनियत्थे किढिणसंकाइयं गहाय गहियभण्डोवगरणे कट्ठमुद्दाए मुहं बन्धइ २ त्ता उत्तराभिमुहे संपत्थिए ॥ १०२॥ तए णं से सोमिले बिइयदिवसम्मि पुव्वावरण्हकालसमयंसि जेणेव सत्तवण्णे तेणेव उवागए, सत्तवण्णस्स अहे किढिणसंकाइयं ठवेइ २ त्ता वेइं वड्डेइ जहा असोगवरपायवे जाव अग्गि हुणइ, कट्ठमुद्दाए मुहं बन्धइ, तुसिणीए संचिठ्ठइ । तए णं तस्स सोमिलस्स पुन्वरत्तावरत्तकालसमयंसि एगे देवे अन्तियं पाउब्भूए । तए णं से देवे अन्तलिक्खपडिवन्ने जहा असोगवरपायवे जाव पडिगए । तए णं से सोमिले कलं जाव जलन्ते वागलवत्थनियत्थे किढिणसंकाइयं गेण्हइ २ त्ता कट्ठमुद्दाए मुहं बन्धइ २ त्ता उत्तरदिसाए उत्तराभिमुहे संपत्थिए ॥ १०३ ॥ तए णं से सोमिले तइयदिवसम्मि पुव्वा (पच्छा)वरण्हकालसमयंसि जेणेव असोगवरपायवे तेणेव उवागच्छइ २ त्ता असोगवरपायवस्स अहे किढिणसंकाइयं ठवेइ २ ता वेई वड्डेइ जाव गङ्गं महाणइं पञ्चुत्तरइ २ त्ता जेणेव असोगवरपायवे तेणेव उवागच्छइ २ त्ता असोगवरपायवस्स अहे किढिणसंकाइयं ठवेइ २ त्ता वेइं रएइ २ त्ता कट्ठमुद्दाए मुहं बन्धइ २ त्ता तुसिणीए संचिट्ठइ । तए णं तस्स सोमिलस्स पुव्वरत्तावरत्तकाले एगे देवे अन्तियं पाउब्भवित्था, तं चेव भणइ जाव पडिगए। तए णं से सोमिले जाव जलन्ते वागलवत्थनियत्थे किढिणसंकाइयं जाव कट्ठमुद्दाए मुहं बन्धइ २ त्ता उत्तराए दिसाए उत्तराभिमुहे संपत्थिए ॥ १०४ ॥ तए णं से सोमिले चउत्थदिवसपुव्वावरण्हकालसमयंसि जेणेव वडपायवे तेणेव उवागए, वडपायवस्स अहे किढिण० ठवेइ २ त्ता वेई वड्वेइ, उवलेवणसंमजणं करेइ जाव कट्ठमुद्दाए मुहं बन्धइ, तुसिणीए संचिठ्ठइ। तए णं तस्स सोमिलस्स पुव्वरत्तावरत्तकाले एगे देवे अन्तियं पाउब्भवित्था, तं चेव भणइ जाव पडिगए । तए णं से सोमिले जाव जलन्ते वागलवत्थनियत्थे कि ढिणसंकाइयं जाव कट्ठमुद्दाए मुहं बन्धइ. 'उत्तराए. उत्तराभिमुहे संपत्थिए ॥ १०५॥ तए णं से सोमिले पञ्चमदिवसम्मि पुव्वावरण्हकालसमयंसि जेणेव उम्बरपायवे तेणेव उवागच्छइ, उम्बरपायवस्स अहे किढिणसंकाइयं ठवेइ, वेई वड्लेइ जाव कट्ठमुद्दाए मुहं बन्धइ जाव तुसिणीए संचिट्ठइ । तए णं तस्स सोमिलमाहणस्स पुव्वरत्तावरत्तकाले एगे देवे जाव एवं वयासी-हं भो सोमिला !
