________________
७६६
सुत्तागमे . [निरयावलियाओ कूणिए राया सेणियस्स रन्नो पुत्ते चेलणाए देवीए अत्तए मम नत्तुए, तं चेव भाणियव्वं जाव वेहल्लं च कुमारं पेसेमि, तं न देइ णं सामी ! चेडए राया सेयणगं० अट्ठारसर्वकं च हारं वेहल्लं च नो पेसेइ ॥ ५३ ॥ तए णं से कूणिए राया दोच्चंपि दूयं सद्दावेत्ता एवं वयासी-गच्छह णं तुमं देवाणुप्पिया ! वेसालिं नयरिं, तत्थ णं तुमं मम अजगं चेडगं रायं जाव एवं वयाहि-एवं खलु सामी ! कूणिए राया विन्नवेइ-जाणि काणि रयणाणि समुप्पजन्ति सव्वाणि ताणि रायकुलगामीणि, सेणियस्स रन्नो रजसिरिं करेमाणस्स पालेमाणस्स दुवे रयणा समुप्पन्ना, तंजहासेयणए गन्धहत्थी अट्ठारसवंके हारे, तं णं तुब्भे सामी ! रायकुलपरंपरागयं ठिइयं अलोवेमाणा सेयणगं गन्धहत्थि अट्ठारसवंकं च हारं कूणियस्स रन्नो पञ्चप्पिणह, वेहल्लं कुमारं पेसेह ॥ ५४ ॥ तए णं से दूए कूणियस्स रन्नो तहेव जाव वद्धावेत्ता एवं वयासी-एवं खलु सामी ! कूणिए राया विनवेइ-जाणि काणि जाव वेहल्लं कुमारं पेसेह । तए णं से चेडए राया तं दूयं एवं वयासी-जह चेव णं देवाणुप्पिया ! कूणिए राया सेणियस्स रन्नो पुत्ते चेल्लणाए देवीए अत्तए जहा पढमं जाव वेहल्लं च कुमारं पेसेमि। तं दूयं सकारेइ संमाणेइ पडिविसज्जेइ ॥ ५५ ॥ तए णं से दूए जाव कूणियस्स रन्नो वद्धावेत्ता एवं वयासी-चेडए राया आणवेइ-जह चेव णं देवाणुप्पिया ! कूणिए राया सेणियस्स रन्नो पुत्ते चेल्लणाए देवीए अत्तए जाव वेहल्लं कुमारं पेसेमि, तं न देइ णं सामी ! चेडए राया सेयणगं गन्धहत्थिं अट्ठारसवंकं च हारं, वेहल्लं कुमारं नो पेसेइ ॥ ५६ ॥ तए णं से कूणिए राया तस्स दूयस्स अन्तिए एयमढे सोच्चा निसम्म आसुरुत्ते जाव मिसिमिसेमाणे तचं दूयं सहावेइ २ त्ता एवं वयासी-गच्छह णं तुमं देवाणुप्पिया ! वेसालीए नयरीए चेडगस्स रन्नो वामेणं पाएणं पाय[वी पीढं अकमाहि २ त्ता कुन्तग्गेणं लेहं पणावेहि २ त्ता आसुरुत्ते जाव मिसिमिसेमाणे तिवलियं भिउडिं निडाले साहव चेडगं रायं एवं वयाहि-हं भो चेडगराया ! अपत्थियपत्थिया! दुरन्त० जाव परिवज्जिया ! एस णं कूणिए राया आणवेइ-पच्चप्पिणाहि णं कूणियस्स रन्नो सेयणगं० अट्ठारसवंकं च हारं वेहल्लं च कुमारं पेसेहि अहवा जुद्धसजो चिट्ठाहि, एस णं कूणिए राया सबले सवाहणे सखन्धावारे णं जुद्धसज्जे इह हव्वमागच्छइ ॥ ५७ ॥ तए णं से दूए करयल० तहेव जाव जेणेव चेडए० तेणेव उवागच्छइ २ ता करयल० जाव वद्धावेत्ता एवं वयासी-एस णं सामी ! ममं विणयपडिवत्ती, इयाणिं कूणियस्स रन्नो आणत्ति चेडगस्स रन्नो वामेणं पाएणं पायपीढं अक्कमइ २ त्ता आसुरुत्ते कुन्तग्गेण लेहं पणावेइ तं चेव सबलखन्धावारे णं इह हव्वमागच्छङ् ॥ ५८ ॥ तए णं से
