________________
७०८
सुत्तागमे
[चंदपण्णत्ती
जोएइ, कुलं जोएमाणे धणिट्ठा णक्खत्ते०, उवकुलं जोएमाणे सवणे णक्खत्ते जोएइ, कुलोवकुलं जोएमाणे अभिई णक्खत्ते जोएइ, ता साविट्ठि० पुण्णिमं कुलं वा जोएइ उवकुलं वा जोएइ कुलोवकुलं वा जोएइ, कुलेण वा जुत्ता उवकुलेण वा जुत्ता कुलोवकुलेण वा जुत्ता साविट्ठी पुण्णिमा जुत्ताति वत्तव्वं सिया, ता पोट्टवइण्णं पुण्णिमं किं कुलं जोएइ उवकुलं जोएइ कुलोवकुलं वा जोएइ ? ता कुलं वा जोएइ उवकुलं वा जोएइ कुलोवकुलं वा जोएइ, कुलं जोएमाणे उत्तरापोठुवया णक्खत्ते जोएइ, उवकुलं जोएमाणे पुन्वापुट्ठवया णक्खत्ते जोएइ, कुलोवकुलं जोएमाणे सयभिसया णक्खत्ते जोएइ, पोट्ठवइण्णं पुण्णमासिणिं कुलं वा जोएइ उवकुलं वा जोएइ कुलोवकुलं वा जोएइ, कुलेण वा जुत्ता ३ पुट्ठवया पुण्णिमा जुत्ताति वत्तव्वं सिया, ता आसोई णं पुण्णिमासिणिं किं कुलं जोएइ उवकुलं जोएइ कुलोवकुलं जोएइ ? ता कुलंपि जोएइ उवकुलंपि जोएइ णो लब्भइ कुलोवकुलं, कुलं जोएमाणे अस्सिणी णक्खत्ते जोएइ, उवकुलं जोएमाणे रेवई णक्खत्ते जोएइ, आसोई णं पुण्णिमं कुलं वा जोएइ उवकुलं वा जोएइ, कुलेण वा जुत्ता उवकुलेण वा जुत्ता अस्सोई णं पुण्णिमा जुत्ताति वत्तव्वं सिया, एवं णेयव्वाउ, पोसं पुण्णिमं जेठामूलं पुण्णिमं च कुलोवकुलंपि जोएइ, अवसेसासु णत्थि कुलोवकुलं जाव आसाढी पुण्णिमा जुत्ताति वत्तव्वं सिया । ता साविष्टुिं णं अमावासं कइ णक्खत्ता जोएंति ? ता दुण्णि णक्खत्ता जोएंति, तंजहा-अस्सेसा य महा य, एवं एएणं अभिलावेणं णेयव्वं, पोट्ठवयं दो णक्खत्ता जोएंति, तंजहा-पुव्वाफग्गुणी उत्तराफरगुणी, अस्सोई दो० हत्थो चित्ता य, कत्तियं० साई विसाहा य, मग्गसिरं० अणुराहा जेट्ठा मूलो, पोसिं० पुव्वासाढा उत्तरासाढा, माहिं० अभीई सवणो धणिट्ठा, फरगुणि० सयभिसया पुवापोठुवया उत्तरापोट्ठवया, चेत्तिं० रेवई अस्सिणी य, विसाहिं ० भरणी कत्तिया य, जेट्ठामूलं० रोहिणी मिगसिरं च, ता आसाढिं णं अमावासिं कइ णक्खत्ता जोएंति ? ता तिण्णि णक्खत्ता जोएंति, तं०-अद्दा पुणव्वसू पुस्सो, ता साविलुि णं अमावासं किं कुलं जोएइ उवकुलं जोएइ कुलोवकुलं जोएइ ? ता कुलं वा जोएइ उवकुलं वा जोएइ णो लब्भइ कुलोवकुलं, कुलं जोएमाणे महा णक्खत्ते जोएइ, उवकुलं जोएमाणे असिलेसा० जोएइ, कुलेण वा जुत्ता उवकुलेण वा जुत्ता साविट्ठी अमावासा जुत्ताति वत्तव्वं सिया, एवं णेयव्वं, णवरं मग्गसिराए माहीए फग्गुणीए आसाढीए य अमावासाए कुलोवकुलंपि जोएइ, सेसेसु णत्थि जाव आसाढी अमावासा जुत्ताति वत्तव्वं सिया ॥ ३७॥ दसमस्त पाहुडस्स छट्टै पाहुडपाहुडं समत्तं ॥१०-६॥
