________________
सुत्तागमे
ता कहं ते सणवा आहिएति वएज्जा ? ता जया णं साविट्ठी पुण्णिमा भवइ तया णं माही अमावासा भवइ, जया णं माही पुण्णिमा भवइ तया णं साविट्ठी अमावासा भवइ, जया णं पुट्ठवई पुण्णिमा भवइ तया णं फग्गुणी अमावासा भवइ, जया णं फग्गुणी पुण्णिमा भवइ तया णं पुट्ठवई अमावासा भवइ, जया आसोई पुणमा भवतया णं चेत्ती अमावासा भवइ, जया णं चेत्ती पुण्णिमा भवइ तया णं
पा० १० पा० ९ तारा०
]
७०९
सोई अमावासा भवइ, जया णं कत्तिई पुण्णिमा भवइ तया णं वेसाही अमावासा भवइ, जया णं वेसाही पुण्णिमा भवइ तया णं कत्तिया अमावासा भवइ, जया णं मग्गसिरी पुण्णिमा भवइ तया णं जेट्ठामूली अमावासा भवइ, जया णं जेट्ठामूली पुण्णमा भवइ तया णं मग्गसिरी अमावासा भवइ, जया णं पोसी पुण्णिमा भवइ तया णं आसाढी अमावासा भवइ, जया णं आसाढी पुण्णिमा भवइ तथा णं पोसी अमावासा भवइ ॥ ३८ ॥ दसमस्स पाहुडस्स सत्तमं पाहुडपाहुडं समत्तं ॥ १०७ ॥
ता कहते णक्खत्तसंठिई आहितेति वएज्जा ? ता एएसि णं अट्ठावीसाए णक्खत्ताणं अभीईणक्खत्ते किंसंठिए पण्णत्ते ? ता गोसीसावलिसंठिए पण्णत्ते, ता सवणे णक्खत्ते किंसंठिए पण्णत्ते ? ता काहारसंठिए प०, धणिट्ठाणक्खत्ते सउणिपलीणगसंठिए, सयभिसयाणक्खत्ते पुप्फोवयार संठिए, पुव्वापोट्ठवयाणक्खत्ते अवड्ढवासिंठिए, एवं उत्तरावि, रेवईणक्खत्ते णावासंठिए, अस्सिणीणक्खत्ते आसक्खंधसंठिए, भरणीणक्खत्ते भगसंठिए, कत्तियाणक्खत्ते छुरघरगसंठिए, रोहिणीणक्खत्ते सगडुद्धिसंठिए, मिगसिराणक्खत्ते मिगसीसावलिसंठिए, अद्दाणक्खत्ते रुहिरबिंदुसंठिए, पुणव्वसूणक्खत्ते तुलासंठिए, पुप्फे णक्खत्ते वद्धमाणसंठिए, अस्सेसाणक्खत्ते पडागसंठिए, महाणक्खत्ते पागारसंठिए, पुव्वा फग्गुणीणक्खत्ते अद्धपलियंकसंठिए, एवं उत्तरावि, हत्थे णक्खत्ते हत्थसंठिए, चित्ताणक्खत्ते मुहफुल्लसंठिए, साईणक्खत्ते खीलगसंठिए, विसाहाणक्खत्ते दामणिसंठिए, अणुराहाणक्खत्ते एगावलिसंठिए, जेाणक्खत्ते गयदंतसंठिए, मूले णक्खत्ते विच्छुयलंगोलसंठिए, पुव्वासाढाणक्खत्ते गयविक्कमसंठिए, उत्तरासाढाणक्खत्ते साइयसंठिए प० ॥ ३९ ॥ दसमस्स पाहुडस्स अट्ठमं पाहुडपाहुडं समत्तं ॥ १०-८॥
ता कहं ते तारग्गे आहिएति वएज्जा ? ता एएसि णं अट्ठावीसाए णक्खत्ताणं अभीणक्खत्ते कइतारे १० ? ता तितारे पण्णत्ते, सवणे णक्खत्ते तितारे, वणिट्ठाणक्खत्ते पणतारे, सयभिसयाणक्खत्ते सयतारे, पुण्वापोट्ठवयाणक्खत्ते दुतारे, एवं उत्तरावि, रेवई० बत्तीसइतारे, अस्सिणीणक्खत्ते तितारे, भरणी तितारे, कत्तिया छतारे,
