________________
सुत्तागमे
[चंदपण्णत्ती राइं एगं च दिवसं चंदेण सद्धिं जोयं जोएइ २ त्ता जोयं अणुपरियट्टइ २ त्ता सायं चंदं भरणीणं समप्पेइ, ता भरणी खलु णक्खत्ते णत्तंभागे अवडक्खेत्ते पण्णरसमुहुत्ते तप्पडमयाए सायं चंदेण सद्धिं जोयं जोएइ, णो लभइ अवरं दिवसं, एवं खलु भरणी णक्खत्ते एग राइं चंदेण सद्धिं जोयं जोएइ २ त्ता जोयं अणुपरियट्टइ २ त्ता पाओ चंदं कत्तियाणं समप्पेइ, ता कत्तिया खलु णक्खत्ते पुव्वंभागे समक्खेत्ते तीसइमुहुत्ते तप्पडमयाए पाओ चंदेण सद्धिं जोयं जोएइ, तओ पच्छा राई, एवं खलु कत्तिया णक्खत्ते एगं च दिवसं एगं च राई चंदेण सद्धिं जोयं जोएइ २ त्ता जोयं अणुपरियट्टइ २ त्ता पाओ चंदं रोहिणीणं समप्पेइ, रोहिणी जहा उत्तरभद्दवया मिगसिरं जहा धणिट्ठा अद्दा जहा सयभिसया पुणव्वसू जहा उत्तराभवया पुस्सो जहा धणिट्ठा अस्सेसा जहा सयभिसया महा जहा पुव्वाफग्गुणी पुव्वाफग्गुणी जहा पुव्वाभद्दवया उत्तराफरगुणी जहा उत्तराभद्दवया हत्थो चित्ता य जहा धणिट्ठा साई जहा सयभिसया विसाहा जहा उत्तराभवया अणुराहा जहा धणिट्ठा सयभिसया मूला पुव्वासाढा य जहा पुव्वाभद्दवया उत्तरासाढा जहा उत्तराभद्दवया ॥ ३४ ॥ दसमस्स पाहुडस्स चउत्थं पाहुडपाहुडं समत्तं ॥ १०-४ ॥
ता कहं ते कुला उवकुला कुलोवकुला आहिताति वएज्जा? तत्थ खलु इमे बारस कुला बारस उवकुला चत्तारि कुलोवकुला प०, बारस कुला०, तंजहा-धणिट्ठाकुलं उत्तराभवयाकुलं अस्सिणीकुलं कत्तियाकुलं संठाणाकुलं पुस्साकुलं महाकुलं उत्तराफरगुणीकुलं चित्ताकुलं विसाहाकुलं मूलाकुलं उत्तरासाढाकुलं, बारस उवकुला०, तंजहासवणो उवकुलं पुवापुट्ठवयाउवकुलं रेवईउवकुलं भरणीउवकुलं रोहिणीउवकुलं पुणव्वसूउवकुलं अस्सेसाउवकुलं पुव्वाफग्गुणीउवकुलं हत्थाउवकुलं साईउवकुलं जेट्ठाउवकुलं पुव्वासाढाउवकुलं, चत्तारि कुलोवकुला०, तंजहा-अभीईकुलोवकुलं सयभिसयाकुलोवकुलं अद्दाकुलोवकुलं अणुराहाकुलोवकुलं ॥ ३५ ॥ दसमस्स पाहुडस्स पंचमं पाहुडपाहुडं समत्तं ॥ १०-५॥
ता कहं ते पुण्णिमासिणी आहितेति वएज्जा ? तत्थ खलु इमाओ बारस पुण्णिमासिणीओ बारस अमावासाओ पण्णत्ताओ, तंजहा-साविट्ठी पोट्ठवई आसोया कत्तिया मग्गसिरी पोसी माही फागुणी चेत्ती वेसाही जेट्ठामूली आसाढी, ता साविट्टिणं पुण्णिमासिं कइ णक्खत्ता जोएंति ? ता तिण्णि णक्खत्ता जोएंति, तंजहा-अभिई सवणो धणिट्ठा, ता पुट्ठवइण्णं पुण्णिमं कइ णक्खत्ता जोएंति ? ता तिण्णि णक्खत्ता जोएंति, तंजहा-सयभिसया पुव्वापोट्ठवया उत्तरापोठुवया, ता आसोइण्णं पुण्णिमं कइ णक्खत्ता जोएंति ? ता दोणि णक्खत्ता जोएंति, तंजहा
