________________
या० १० पा० ४ अस्सिणीण] सुत्तागमे सयभिसया भरणी अद्दा अस्सेसा साई जेट्टा, तत्थ जे ते णक्खत्ता० उभयंभागा दिवड्डक्खेत्ता पणयालीसं मुहुत्ता प० ते णं छ, तंजहा-उत्तरापोठुवया रोहिणी पुणव्वसू उत्तराफरगुणी विसाहा उत्तरासाढा ॥ ३३ ॥ दसमस्स पाहुडस्स तइयं पाहुडपाहुडं समत्तं ॥१०-३॥
ता कहं ते जोगस्स आई आहिताति वएज्जा ? ता अभीईसवणा खलु दुवे णक्खत्ता पच्छाभागा समक्खेत्ता साइरेगऊयालीसइमुहुत्ता तप्पढमयाए सायं चंदेण सद्धिं जोयं जोएंति, तओ पच्छा अवरं साइरेयं दिवसं, एवं खलु अभिईसवणा दुवे णक्खत्ता एगराइं एगं च साइरेगं दिवसं चंदेण सद्धिं जोयं जोएंति जोयं जोएत्ता जोयं अणुपरियति जोयं अणुपरियट्टित्ता सायं चंदं धणिट्ठाणं समप्पेंति, ता धणिट्ठा खलु णक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ २ त्ता तओ पच्छा राई अवरं च दिवसं, एवं खलु धणिट्ठा णक्खत्ते एगं च राई एगं च दिवसं चंदेण सद्धिं जोयं जोएइ जोएत्ता जोयं अणुपरियइ जोयं अणुपरियट्टित्ता सायं चंदं सयभिसयाणं समप्पेइ, ता सयभिसया खलु णक्खत्ते णत्तंभागे अवड्ढक्खेत्ते पण्णरसमुहुत्ते तप्पढमयाए सायं चंदेण सद्धिं जोयं जोएइ णो लभइ अवरं दिवसं, एवं खलु सयभिसया णक्खत्ते एगं राइं चंदेण सद्धिं जोयं जोएइ जोयं जोएत्ता जोयं अणुपरियट्टइ जोयं अणुपरियहित्ता पाओ चंदं पुव्वाणं पोट्ठवयाणं समप्पेइ, ता पुव्वापोट्ठवया खलु णक्खत्ते पुव्वंभागे समक्खेत्ते तीसइमुहुत्ते तप्पढमयाए पाओ चंदेण सद्धिं जोयं जोएइ, तओ पच्छा अवरराइं, एवं खलु पुव्वापोट्टवया णक्खत्ते एगं च दिवसं एगं च राइं चंदेण सद्धिं जोयं जोएइ २ त्ता जोयं अणुपरियदृइ २ त्ता पाओ चंदं उत्तरापोट्ठवयाणं समप्पेइ, ता उत्तरापोठुवया खलु णक्खत्ते उभयंभागे दिवड्डक्खेत्ते पणयालीसइमुहुत्ते तप्पढमयाए पाओ चंदेण सद्धिं जोयं जोएइ अवरं च राइं तओ पच्छा अवरं दिवसं, एवं खलु उत्तरापोट्टवया णक्खत्ते दो दिवसे एगं च राइं चंदेण सद्धिं जोयं जोएइ अवरं च राइं तओ पच्छा अवरं दिवसं, एवं खलु उत्तरापोट्ठवया णक्खत्ते दो दिवसे एगं च राइं चंदेण सद्धिं जोयं जोएइ जोइत्ता जोयं अणुपरियट्टइ २ त्ता सायं चंदं रेवईणं समप्पेइ, ता रेवई खलु णक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ, तओ पच्छा अवरं दिवसं, एवं खलु रेवई णक्खत्ते एगं राइं एगं च दिवसं चंदेण सद्धिं जोयं जोएइ २ त्ता जोयं अणुपरियदृइ २ त्ता सायं चंदं अस्सिणीणं समप्पेइ, ता अस्सिणी खलु णक्खत्ते पच्छंभागे समक्खेत्ते तीसइमुहुत्ते तप्पढमयाए सायं चंदेण सद्धिं जोयं जोएइ, तओ पच्छा अवरं दिवसं, एवं खलु अस्सिणी णक्खत्ते एगं च
४५ सुत्ता.
