________________
च०७ पमाणसंवच्छर०] सुत्तागमे अट्ठाणउईए य सएहिं छेत्ता इति । एगमेगेणं भन्ते ! मुहुत्तेणं सूरिए केवइयाइं भागसयाइं गच्छइ ? गोयमा ! जं जं मंडलं उवसंकमित्ता चारं चरइ तस्स २ मंडलपरिक्खेवस्स अट्ठारसतीसे भागसए गच्छइ मंडलं सयसहस्सेहिं अट्ठाणउईए य सएहिं छेत्ता, एगमेगेणं भंते ! मुहुत्तेणं णक्खत्ते केवइयाइं भागसयाइं गच्छइ ? गोयमा ! जं जं मंडलं उवसंकमित्ता चारं चरइ तस्स तस्स मंडलपरिक्खेवस्स अट्ठारस पणतीसे भागसए गच्छइ मंडलं सयसहस्सेणं अट्ठाणउईए य सएहिं छेत्ता ॥१४९॥ जम्बुद्दीवे णं भंते! दीवे सूरिया उदीणपाईणमुग्गच्छ पाईणदाहिणमागच्छति १ पाईणदाहिणमुग्गच्छ दाहिणपडीणमागच्छंति २ दाहिणपडीणमुग्गच्छ पडीणउदीणमागच्छंति ३ पडीणउदीणमुग्गच्छ उदीणपाईणमागच्छंति ४ ? हंता गोयमा ! जहा पंचमसए पढमे उद्देसे जाव णेवत्थि उस्सप्पिणी अवढिए णं तत्थ काले प० समणाउसो !, इच्चेसा जम्बुद्दीवपण्णत्ती सूरपण्णत्ती वत्थुसमासेणं सम्मत्ता भवइ । जम्बुद्दीवे णं भंते ! दीवे चंदिमा उदीणपाईणमुग्गच्छ पाईणदाहिणमागच्छंति जहा सूरवत्तव्वया जहा पंचमसयस्स दसमे उद्देसे जाव अवट्ठिए णं तत्थ काले पण्णत्ते समणाउसो !, इच्चेसा जम्बुद्दीवपण्णत्ती चंदपण्णत्ती वत्थुसमासेणं सम्मत्ता भवइ ॥ १५० ॥ कइ णं भन्ते ! संवच्छरा पण्णत्ता ? गोयमा ! पंच संवच्छरा प०, तं०-णक्खत्तसंवच्छरे जुगसंवच्छरे पमाणसंवच्छरे लक्खणसंवच्छरे सणिच्छरसंवच्छरे । णक्खत्तसंवच्छरे णं भन्ते ! कइविहे पण्णत्ते ? गोयमा ! दुवालसविहे प०, तं०-सावणे भद्दवए आसोए जाव आसाढे, जं वा विहप्फई महग्गहे दुवालसेहिं संवच्छराह सव्वणक्खत्तमंडलं समाणेइ सेत्तं णक्खत्तसंवच्छरे । जुगसंवच्छरे णं भन्ते ! कइविहे पण्णत्ते ? गोयमा ! पंचविहे प०, तंजहा-चंदे चंदे अभिवड्डिए चंदे अभिवड्डिए चेवेति, पढमस्स णं भन्ते ! चन्दसंवच्छरस्स कइ पव्वा पण्णत्ता ? गोयमा! चउव्वीसं पव्वा पण्णत्ता, बिइयस्स णं भन्ते ! चन्दसंवच्छरस्स कइ पव्वा पण्णत्ता ? गोयमा ! चउव्वीसं पव्वा पण्णत्ता, एवं पुच्छा तइयस्स, गोयमा! अभिवड्डियसंवच्छरस्स छन्वीसं पव्वा प०, चउत्थस्स० चन्दसंवच्छरस्स. चोव्वीसं पव्वा०, पंचमस्स णं. अभिवद्रियस्स० छन्वीसं पव्वा पण्णत्ता, एवामेव सपुव्वावरेणं पंचसवच्छारए जुए एग चउव्वीसे पव्वसए पण्णत्ते,सेत्तं जुगसंवच्छरे। पमाणसंवच्छरे णं भन्ते ! कइविहे पण्णत्ते? गोयमा ! पंचविहे पण्णत्ते, तंजहा–णक्खत्ते चन्दे उऊ आइच्चे अभिवड्डिए, सेत्तं
१ आइल्लदीवस्स जहावट्ठियसरूवणिरूविगा गंथपद्धई-तीए । २ सूरियाहिगारप'डिबद्धापयपद्धई। ३ मंडलसंखाईणं सूरियपण्णत्तीआइमहागंथावेक्खाए संखेवो तेण । ४ चंदाहिगार० । ५ मंढलसंखाईणं चंदपण्णत्तीआइ० ।
४२ सत्ता
