________________
सुत्तागमे
[जंबुद्दीवपण्णत्ती
णक्खत्तमंडले पण्णत्ते? गोयमा ! पंचदसुत्तरे जोयणसए अबाहाए सव्वबाहिरए णक्खत्तमंडले पण्णत्ते, णक्खत्तमंडलस्स णं भन्ते ! णक्खत्तमंडलस्स य एस णं केवइयाए अबाहाए अंतरे पण्णत्ते ? गोयमा ! दो जोयणाइं णक्खत्तमंडलस्स य णक्खत्तमंडलस्स य अबाहाए अंतरे पण्णत्ते । णक्खत्तमंडले णं भंते ! केवइयं आयामविक्खम्भेणं केवइयं परिक्खेवेणं केवइयं बाहल्लेणं पण्णत्ते ? गोयमा ! गाउयं आयामविक्खम्भेणं तं तिगुणं सविसेसं परिक्खेवेणं अद्धगाउयं बाहलेणं पण्णत्ते । जम्बुद्दीवे णं भन्ते ! दीवे मंदरस्स पव्वयस्स केवइयाए अबाहाए सव्वन्भंतरे णक्खत्तमंडले पण्णते ? गोयमा ! चोयालीसं जोयणसहस्साइं अट्ठ य वीसे जोयणसए अबाहाए सव्वब्भंतरे णक्खत्तमंडले पण्णत्ते, जम्बुद्दीवे णं भंते ! दीवे मंदरस्स पव्वयस्स केवइयाए अबाहाए सव्वबाहिरए णक्खत्तमंडले पण्णत्ते ? गोयमा ! पणयालीसं जोयणसहस्साई तिण्णि य तीसे जोयणसए अबाहाए सव्वबाहिरए णक्खत्तमंडले पण्णत्ते । सव्वब्भंतरे णं भंते ! णक्खत्तमंडले केवइयं आयामविक्खंभेणं केवइयं परिक्खेवेणं प० ? गोयमा ! णवणउइं जोयणसहस्साई छच्चचत्ताले जोयणसए आयामविक्खंभेणं तिण्णि य जोयणसयसहस्साइं पण्णरस जोयणसहस्साइं एगूणणवई च जोयणाई किंचिविसेसाहिए परिक्खेवेणं पण्णत्ते, सव्वबाहिरए णं भंते! णक्खत्तमंडले केवइयं आयामविक्खंभेणं केवइयं परिक्खेवेणं पण्णत्ते ? गोयमा ! एगं जोयणसयसहस्सं छच्च सटे जोयणसए आयामविक्खंभेणं तिणि य जोयणसयसहस्साई अट्ठारस य जोयणसहस्साई तिणि य पण्णरसुत्तरे जोयणसए परिक्खेवेणं प०, जया णं भंते ! णक्खत्ते सव्वन्भंतरमंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साइं दोण्णि य पण्णढे जोयणसए अट्ठारस य भागसहस्से दोण्णि य तेवढे भागसए गच्छइ मंडलं एकवीसाए भागसहस्सेहिं णवहि य सट्टेहिं सएहिं छेत्ता । जया णं भंते! णक्खत्ते सव्वबाहिरं मंडलं उवसंकमित्ता चारं चरइ तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच जोयणसहस्साई तिणि य एगूणवीसे जोयणसए सोलस य भागसहस्सेहिं तिण्णि य पणढे भागसए गच्छइ मंडलं एगवीसाए भागसहस्सेहिं णवहि य सतुहिं सएहिं छेत्ता, एए णं भंते ! अट्ठ णक्खत्तमंडला कइहिं चंदमंडलेहिं समोयरंति ? गोयमा ! अट्ठहिं चंदमंडलेहिं समोयरंति, तंजहा-पढमे चंदमंडले तइए० छठे. सत्तमे० अट्ठमे० दसमे० इक्कारसमे० पण्णरसमे चंदमंडले, एगमेगेणं भन्ते ! मुहुत्तेणं केवइयाइं भागसयाइं गच्छइ ? गोयमा ! जं जं मंडलं उवसंकमित्ता चारं चरइ तस्स २ मंडलपरिक्खेवस्स सत्तरस अट्ठे भागसए गच्छइ मंडलं सयसहस्सेणं
