________________
व० ६ जंबुद्दीव २ महाणईसंखा] सुत्तागमे
६४३ णं भंते ! दीवे केवइयं जोयणगणिएणं पण्णत्ते ? गोयमा! सत्तेव य कोडिसया णउया छप्पण्ण सयसहस्साइं। चउणवइं च सहस्सा सयं दिवढे च गणियपयं ॥ १ ॥ जंबुद्दीवे णं भंते ! दीवे कइ वासा पण्णत्ता ? गोयमा ! सत्त वासा प०, तंजहा-भरहे एरवए हेमवए हेरण्णवए हरिवासे रम्मगवासे महाविदेहे, जंबुद्दीवे णं भंते ! दीवे केवइया वासहरा पण्णत्ता केवइया मंदरा पव्वया पण्णत्ता केवइया चित्तकूडा केवइया विचित्तकूडा केवइया जमगपव्वया केवइया कंचणगपव्वया केवइया वक्खारा केवइया दीहवेयड्डा केवइया वट्टवेयड्डा पण्णत्ता ? गोयमा ! जंबुद्दीवे २ छ वासहरपव्वया एगे मंदरे पव्वए एगे चित्तकूडे एगे विचित्तकूडे दो जमगपव्वया दो कंचणगपव्वयसया वीसं वक्खारपव्वया चोत्तीसं दीहवेयड्डा चत्तारि वट्टवेयड्डा०, एवामेव सपुव्वावरेणं जंबुद्दीवे दीवे दुण्णि अउणत्तरा पव्वयसया भवतीतिमक्खायं । जंबुद्दीवे णं भंते ! दीवे केवइया वासहरकूडा केवइया वक्खारकूडा केवइया वेयड्डकूडा केवइया मंदरकूडा प०? गो० !..'छप्पण्णं वासहरकूडा छण्णउइं वक्खारकूडा तिण्णि छलुत्तरा वेयड्डकूडसया णव मंदरकूडा पण्णत्ता, एवामेव सपुव्वावरेणं जंबुद्दीवे २ चत्तारि सत्तट्ठा कूडसया भवन्तीतिमक्खायं । जंबुद्दीवे णं भंते ! दीवे भरहे वासे कइ तित्था प० ? गो० ! तओ तित्था प०, तं०-मागहे वरदामे पभासे, जंबुद्दीवे. एरवए वासे कइ तित्था प० ? गो० ! तओ तित्था प०, तं०-मागहे वरदामे पभासे, जंबुद्दीवे णं भंते ! दीवे महाविदेहे वासे एगमेगे चकवट्टिविजए कइ तित्था प० ? गो० ! तओ तित्था प०, तं०-मागहे वरदामे पभासे, एवामेव सपुव्वावरेणं जंबुद्दीवे २ एगे बिउत्तरे तित्थसए भवतीतिमक्खायं । जंबुद्दीवे णं भंते ! दीवे केवइयाओ विजाहरसेढीओ केवइयाओ आभिओगसेढीओ प० ? गो० ! जंबुद्दीवे दीवे अट्ठसट्ठी विजाहरसेढीओ अट्ठसट्ठी आभिओगसेढीओ पण्णत्ताओ, एवामेव सपुव्वावरेणं जंबुद्दीवे दीवे छत्तीसे सेढीसए भवतीतिमक्खायं, जंबुद्दीवेणं भंते ! दीवे केवइया चक्कवट्टिविजया केवइयाओ रायहाणीओ केवइयाओ तिमिसगुहाओ केवइयाओ खंडप्पवायगुहाओ केवइया कयमालया देवा केवइया णट्टमालया देवा केवइया उसभकूडा० प० ? गो० ! जंबुद्दीवे दीवे चोत्तीसं चक्कवट्टिविजया चोत्तीसं रायहाणीओ चोत्तीसं तिमिसगुहाओ चोत्तीसं खंडप्पवायगुहाओ चोत्तीसं कयमालया देवा चोत्तीसं णट्टमालया देवा चोत्तीसं उसभकूडा पव्वया प०, जंबुद्दीवे णं भंते ! दीवे केवइया महदहा प० ? गो० ! सोलस महदहा पण्णत्ता, जंबुद्दीवे णं भंते ! दीवे केवइयाओ महाणईओ वासहरपवहाओ केवइयाओ महाणईओ कुंडप्पवहाओ पण्णत्ताओ ? गोयमा ! जंबुद्दीवे २ चोद्दस महाणईओ वासहरपवहाओ छावत्तरिं महाणईओ कुंडप्पवहाओ०, एवामेव सपुव्वावरेणं जंबुद्दीवे
