________________
६४२
सुत्तागमे
[ जंबुद्दीवपण्णत्ती
एवं वयासी - खिप्पामेव भो देवाणुप्पिया ! बत्तीसं हिरण्णकोडीओ बत्तीसं सुवण्णकोडीओ बत्तीसं णंदाई बत्तीसं भद्दाई सुभगे सुभगरूवजुव्वणलावण्णे य भगवओ तित्थयररस जम्मणभवणंसि साहराहि २ त्ता एयमाणत्तियं पञ्चप्पिणाहि, तए णं से वेसमणे देवे सक्केणं जाव विणएणं वयणं पडिसुणेइ २ त्ता जंभए देवे सहावेइ २ ता एवं वयासी - खिप्पामेव भो देवाणुप्पिया ! बत्तीसं हिरण्णकोडीओ जाव भगवओ तित्थयरस्स जम्मणभवणंसि साहरह साहरित्ता एयमाणत्तियं पञ्चप्पिणह, तए णं जंभगा देवा वेसमणेणं देवेणं एवं वृत्ता समाणा हट्ट जाव खिप्पामेव. बत्तीसं हिरण्णकोडीओ जाव भगवओ तित्थगरस्स जम्मणभवणंसि साहति २ त्ता जेणेव वेसमणे देवे तेणेव जाव पच्चप्पिणंति, तए णं से वेसमणे देवे जेणेव सके देविंदे देवराया जाव पञ्चपिणइ । तए णं से सके देविंदे देवराया ३ आभिओगे देवे. सद्दावेइ २ त्ता एवं वयासी - खिप्पामेव भो देवाणुप्पिया ! भगवओ तित्थय रस्स जम्मणणयरंसि सिंघाडग जाव महापहपहेसु महया २ सद्देणं उग्घोसेमाणा २ एवं वदह - हंदि सुतु भवंतो बहवे भवणवइवाणमंतरजोइसवेमाणिया देवा य देवीओ य जेणं देवाणुप्पिया !• तित्थयरस्स तित्थयरमाऊए वा असुभं मणं पधारेइ तस्स णं अज्जगमंजरिया इव सयहा मुद्धाणं फुट्टउत्तिक घोसेह २ त्ता एयमाणत्तियं पञ्चप्पिणहत्ति, तए णं ते आभिओगा देवा जाव एवं देवोत्ति आणाए विणएणं वयणं परिसुति २ त्ता सक्कस्स देविंदस्स देवरण्णो अंतियाओ पडिणिक्खमंत २ ता खिप्पामेव भगवओ तित्थगरस्स जम्मणणगरंसि सिंघाडग जाव एवं वयासी - हंदि सुतु भवंतो बहवे भवणवइ जाव जे णं देवाणुप्पिया !• तित्थयरस्स जाव फुट्टिही - तिकड्छु घोसणगं घोसेंति २ त्ता एयमाणत्तियं पञ्चप्पिणंति, तए णं ते बहवे भवणवइवाणमंतरजोइसवेमाणिया देवा भगवओ तित्थगरस्स जम्मणमहिमं करेंति २ ता जामेव दिसिं पाउब्भूया तामेव दिसिं पडिगया ॥ १२३ ॥ पंचमो वक्खारो समत्तो ॥
जंबुद्दीवस्स णं भंते ! दीवस्स पएसा लवणसमुद्दं पुट्ठा ? हंता ! पुट्ठा, ते णं भंते ! किं जंबुद्दीवे दीवे लवणसमुद्दे ? गोयमा ! जंबुद्दीवे णं दीवे णो खलु लवणसमुद्दे, एवं लवणसमुद्दस्सवि पएसा जंबुद्दीवे २ पुट्ठा भाणियव्वा । जंबुद्दीवे णं भंते !० जीवा उद्दाइत्ता २ लवणसमुद्दे पच्चायंति ? गो० ! अत्थेगइया पच्चायंति अत्थेगइया नो पच्चायंति, एवं लवणसमुद्दस्सवि जंबुद्दीवे दीवे यव्वमिति ॥ १२४ ॥ खंडा १ जोयण २ वासा ३. पव्वय ४ कूडा ५ य तित्थ ६ सेढीओ ७ । विजय ८ द्दह ९ सलिलाओ १० पिंड होइ संगहणी ॥ १ ॥ जंबुद्दीवे णं भंते ! दीवे भरहप्पमाणमेत्तेहिं खंडे हिं केवइयं खंडगणिएणं प० ? गो० ! णउयं खंडसयं खंडगणिएणं पण्णत्ते । जंबुद्दी
