________________
व० ५ स० वेसमणदेवसद्दावणं] सुत्तागमे
६४१ णमोऽत्थु ते सिद्धबुद्धणीरयसमणसमाहियसमत्तसमजोगिसल्लगत्तणणिब्भयणीरागदोसणिम्ममणिस्संगणीसल्लमाणमूरणगुणरयणसीलसागरमणंतमप्पमेयभवियधम्मवरचाउरंतचकवट्टी णमोऽत्थु ते अरहओत्तिकहु एवं वन्दइ णमंसइ वं० २ त्ता णञ्चासण्णे णाइदूरे सुस्सूसमाणे जाव पजुवासइ, एवं जहा अञ्चुयस्स तहा जाव ईसाणस्स भाणियव्वं, एवं भवणवइवाणमन्तर जोइसिया य सूरपज्जवसाणा सएणं परिवारेणं पत्तेयं २ अभिसिंचंति, तए णं से ईसाणे देविन्दे देवराया पञ्च ईसाणे विउव्वइ २ त्ता एगे ईसाणे भगवं तित्थयरं करयलसंपुडेणं गिण्हइ २ त्ता सीहासणवरगए पुरत्थाभिमुहे सण्णिसण्णे एगे ईसाणे पिट्ठओ आयवत्तं धरेइ दुवे ईसाणा उभओ पासिं चामरुक्खेवं करेन्ति एगे ईसाणे पुरओ सूलपाणी चिट्ठइ, तए णं से सक्के देविन्दे देवराया आभिओगे देवे सद्दावेइ २ त्ता एसोवि तह चेव अभिसेयाणत्तिं देइ तेऽवि तह चेव उवणेन्ति, तए णं से सके देविन्दे देवराया भगवओ तित्थयरस्स चउद्दिसिं चत्तारि धवलवसमे विउन्वेइ सेए संखदलविमलणिम्मलदधिघणगोखीरफेणरययणिगरप्पगासे पासाईए दरिसणिजे अभिरूवे पडिरूवे, तए णं तेसिं चउण्हं धवलवसभाणं अट्ठहिं सिंगेहिंतो अट्ठ तोयधाराओ णिग्गच्छन्ति, तए णं ताओ अट्ट तोयधाराओ उर्दू वेहासं उप्पयन्ति २ त्ता एगओ मिलायन्ति २ त्ता भगवओ तित्थयरस्स मुद्धाणंसि णिवयंति । तए णं से सक्के देविन्दे देवराया चउरासीईए सामाणियसाहस्सीहिं एयस्सवि तहेव अभिसेओ भाणियन्वो जाव णमोऽत्यु ते अरहओत्तिका वन्दइ णमंसइ जाव पजुवासइ ॥ १२२ ॥ तए णं से सक्के देविंदे देवराया पंच सके विउव्वइ २ त्ता एगे सक्के भयवं तित्थयरं करयलसंपुडेणं गिण्हइ एगे सके पिट्ठओ आयवत्तं धरेइ दुवे सक्का उभओ पासिं चामरुक्खेवं करेंति एगे सके वजपाणी पुरओ पकड्डइ, तए णं से सक्के चउरासीईए सामाणियसाहस्सीहिं जाव अण्णेहि य० भवणवइवाणमंतरजोइसवेमाणिएहिं देवेहिं देवीहि य सद्धिं संपरिबुडे सव्विड्डीए जाव णाइयरवेणं ताए उक्किट्ठाए जेणेव भगवओ तित्थयरस्स जम्मणणयरे जेणेव० जम्मणभवणे जेणेव तित्थयरमाया तेणेव उवागच्छइ २ त्ता भगवं तित्थयरं माऊए पासे ठवेइ २ त्ता तित्थयरपडिरूवगं पडिसाहरइ २ त्ता ओसोवाणिं पडिसाहरइ २ त्ता एगं महं खोमजुयलं कुंडलजुयलं च भगवओ तित्थयरस्स उस्सीसगमूले ठवेइ २ ता एगं महं सिरिदामगंडं तवणिजलंबूसगं सुवण्णपयरगमंडियं णाणामणिरयणविविहहारद्धहारउवसोहियसमुदयं भगवओ तित्थयरस्स उल्लोयंसि णिक्खिवइ तण्णं भगवं तित्थयरे अणिमिसाए दिट्ठीए देहमाणे २ सुहंसुहेणं अभिरममाणे २ चिठ्ठइ, तए णं से सक्के देविंदे देवराया वेसमणं देवं सद्दावेइ २ त्ता
४१ सुत्ता.
